ئەمریکا خوازیاری گفتوگۆ لە گەڵ ئێرانه

جێگری ئەمنی نیشتمانی کۆشکی سپی لە درێژەی هەڵوێستە ئاڵۆزەکانی دەوڵەتی واشنتۆن، پاگەندەی ئامادەیی بۆ دانوستان لە گەڵ ئێران کرد، بەڵام لە هەمان کاتدا بژێرەی هەڕەشەی ڕەت نەکردەوە.

بە ڕاپۆرتی ئاژانسی هەواڵی مێهر، جان بۆڵتۆن ڕاوێژکاری ئەمنی کۆشکی سپی لە لێدوانێک بۆ "واشنتۆن فێری بیکەن" ئیدعای کرد: ئەمریکا خوازیاری دانوستان لە گەڵ رێبەرانی ئێران بۆ هێورکردنەوەی ناکۆکییەکانە.

ناوبراو لە هەمان کاتدا ئیدعایشی کرد: بەڵام لە بەرامبەر دەنەدانی سەربازیی ئێران، ئامادەی هەڵمەتی تۆڵەئەستێنانەیشین.

بۆڵتۆن هەروەها بە ئاماژە بە ڕیزبەندیی ئێران و ئەمریکا و "پڕ مەترسی و ناپێشبینی گەرانە" وەسف کردنی ئەو دۆخە، وتی: ئێران بە پێی ستراتژیی ئەمنی نیشتمانی ئەمریکا یەکێکە لە ٤ هەڕەشەی سەرەکی و دەبێ دڵنیا بین کە توانستی کۆنتڕۆڵ و پێشگری لەو هەڵمەتانەمان هەیە کە وەک هەڕەشەن بۆ سەر ئەمریکا و بازاڕی جیهانی وێنا دەکرێن.

ناوبراو پاگەندەشی کرد کە ئێران بە گومان کردن لە ئیرادەی دۆناڵد ترامپ سەرۆک کۆماری ئەمریکا، توشی هەڵەیەکی گەورە دەبێ.

بۆڵتۆن لە درێژەی ئیدعاکانی خۆی وتیشی: سەبارەت بە مەترسییەکانی سوپای قودس و ئۆپەراسیۆنگەلی دەزگا هەواڵگرییەکانی ئێران و هەروەها هێزەکانی سەر بەوان لە عێراق و یەمەن زۆر نیگەرانین. ئەو گرووپانە هەڕەشەن بۆ سەر بازرگانی لە دەریای ناوەڕاست و ئامانجگەلێک لە عەرەبستان و هەروەها بۆ سەر هێزەکانی ئەمریکی و جیهازاتی ئێمە لە عێراق، کەنداوی فارس، دەریای عەمان و ئەفغانستان.

ناوبراو ئاماژەی بەوەش دا: سوپای قودس و ئیتلاعاتی ئێران خەریکی ئامادەکاری بۆ هێرش لە دژی ئەو ئامانجانە بە شێوەیەکن کە نکۆڵی لێ بکرێت و شوێن پێی تاران نەدۆزرێتەوە.

News Code 26984

نیشانەکان

بۆچوونی ئێوە

You are replying to: .
  • 4 + 5 =