دووبەرەکی ناو کۆشکی سپی سەبارەت بە ئێران جیدییە

جێفری کارلینێر لای وایە کە بۆڵتۆن و پەمپێئۆ خوازیاری داسەپاندنی سیاسەتگەلی سەخڵەتتری ویلایەتە یەکگرتووەکان هەمبەر بە ئێرانن، بەڵام ترامپ پێشوازی لە سیاسەتی دانوستان لە گەڵ ئێران دەکات.

جێفری کارلینێر مامۆستای زانکۆی بۆستۆنی ئەمریکا لە وتووێژ لە گەڵ هەواڵنێری ئاژانسی مێهر، سەبارەت بە بڕیاری جێبەجێ کرانی گەمارۆگەلی هاوپەیوەند بە دامەزراوە ناڤۆکییەکانی ئێران لە لایەن ئەمریکاوە ڕایگەیاند: ئامانج لەو گەمارۆیانە زەخت خستنە سەر ئێران بۆ کەمکردنەوە و ڕاگرتنی ڕەوتی چالاکییەکان و پاڵپشتیی لە هاوپەیمانانی لە سووریا، یەمەن، لوبنان و ڕەنگە عێراق بێت.

کارلینێر هەروەها لەبارەی ڕۆڵی عەرەبستان و ئیمارات بۆ قرەبووکردنەوەی کەمایەسیی نەوتی جیهانی لە ئەگەری گەمارۆی یەکجاریی نەوتی ئێران، وتی: ئەو ندوو وڵاتە ڕەنگە دەفرایەتی پێویستیان بۆ قەرەبووکردنەوەی هەناردەی نەوتی ئێران ببێت و ئەگەر ئەوان ئەو کارەش نەکەن، نرخی نەوت پاش دوا ڕاگەیاندنی گەمارۆکانی ئەمریکا یەگجار دەچێتە سەرێ.

ناوبراو لە درێژەدا ڕووانییە دووبەرەکیی ترامپ و تیمی جان بۆڵتۆن هەمبەر بە ئێران و ڕوونی کردەوە: بێ گومان جان بۆڵتۆن و مایک پەمپێئۆ حەز بە گرتنەبەری سیاسەتی زەختتری ویلایەتە یەکگرتووەکانی لە دژی وڵاتانی وەک کۆریای باکوور، ڤێنزۆئێلا و ڕووسیا دەکەن و لەوبارەیەوە پێش ترامپیش کەوتوون.

ڕەنگە ئەوان هەر بەوجۆرە و زیاتر لە ویستی ترامپ، حەز بە گوشاری زیاتر خستنە سەر ئێران دەکەن. ئەگەرچی ئەو بابەتە تەواو ڕوون و ئاشکرا نییە. بەڵام ڕاست وایە کە ترامپ حەز بە دانوستان لە گەڵ ئێران دەکات و بەو پێیە ئەگەری دانوستانی دوو وڵات هەیە.

News Code 26554

نیشانەکان

بۆچوونی ئێوە

You are replying to: .
  • 9 + 1 =