لێدوانی پەمپێئۆ سەبارەت بە سەفەرە نهێنییەکەی بۆ بەغدا

وەزیری دەرەوەی ئەمریکا سەبارەت بە سەفەری لەناکاوی شەوی ڕابردووی بۆ بەغدا قسەی کرد.

بە ڕاپۆرتی ئاژانسی هەواڵی مێهر لە ئەلعالەم، مایک پەمپێئۆ وەزیری دەرەوەی ئەمریکا پاش هەڵوەشاندنەوەی لەناکاوی سەفەرەکەی بۆ ئەڵمانیا شەوی رابردوو لە سەفەرێکی لەناکاودا گەیشتە بەغدا و لە گەڵ عادڵ عەبدولمەهدی سەرۆک وەزیران و بەرهەم ساڵح سەرۆک کۆماری ئەو وڵاتە کۆ بووەوە.

پەمپێئۆ لە ڕێگای سەفەرەکەی بۆ بەغدا سەبارەت بە هۆکارەکانی ئەو سەفەرە بە هەواڵنێرانی وت: دەمەوێت لە گەڵ بەرپرسانی ئەو وڵاتە قسە بکەم تا دڵنیایان بکەمەوە کە عێراق وڵاتێکی سەربەخۆیە و بە سەروەری نەتەوەیی دەمێنێتەوە.

وەزیری دەرەوەی ئەمریکا پرسیاری هەواڵنێرانی سەبارەت بە هۆکاری گۆڕانی لەناکاوی بەرنامەی سەفەرەکەی بێ وەڵام هێشتەوە. ناوبراو دیسان پاگەندە بێ بنەما و بنەڕەتەکانی خۆیی سەبارەت بە ئەوەی کە ئێران دەیەوێت هێرش بکاتە سەر بەرژەوەندییەکانی ئەمریکا لە عێراق دووپات کردەوە و وتی کە ئاوەها کارێک کاریگەری دەکاتە سەر عێراقیش.

وەزیری دەرەوەی ئەمریکا وتی کە دۆناڵد ترامپ، سەرۆک کۆماری ئەمریکا لە سەفەری خۆی ئاگادار کردووەتەوە و ترامپ داوای لێکردووە کە چەند پەیامێک بگەیێنێتە بەرپرسانی عێراقی.

ناوبراو پاگەندەی کرد: پەیامی سەرەکی ئەوەیە: ئێمە دەمانەوێت دڵنیا ببینەوە عێراق لە دۆخێکدا کە هەیە، پێوەندی لە گەڵ ئێمە و هاوپەیمانەکانمان لە ناوچەکە تۆکمە دەمێنێتەوە.

News Code 26402

نیشانەکان

بۆچوونی ئێوە

You are replying to: .
  • 7 + 9 =