"ڕۆژباش دیکتاتۆر" بڵاوبۆوە

کتێبی کۆمەڵە شێعری "رۆژباش دیکتاتۆر" هۆنراوەی بێهزاد ئەحمەدی شاعێر و رۆژنامەنووسی سنەیی لە لایەن بڵاوکەرەوەی گوتار چاپ و بڵاوبۆوە.

بە ڕاپۆرتی ئاژانسی هەواڵی مێهر، کتێبی کۆمەڵە شێعری "رۆژباش دیکتاتۆر" هۆنراوەی بێهزاد ئەحمەدی شاعێر و رۆژنامەنووسی سنەیی لە دووتۆی ١١٣ ڵاپەڕە لە درێژەی پڕۆژەی "شێعری هاوچەرخی کوردی" لە لایەن بڵاوکەرەوەی گوتار چاپ و بڵاوبۆوە.

بێهزاد ئەحمەدی سەبارەت بە ناوەڕۆکی شێعرەکانی ئەم کۆمەڵە وتی: "ڕۆژباش دیکتاتۆر" وەک یەکەم ئەزموونی بڵاوکراوەی شێعریم، تەوسێکی تاڵە کە ڕووبەڕووی دیکتاتۆریەتی ناخی مرۆڤی کورد و تاکی کۆمەڵگەی ئێمە دەبێتەوە.

وتیشی: "رۆژباش دیکتاتۆر" بۆ من پڕە لە نۆستالۆژیای وشە و هانم دەدات نیگەرانی هەندێ موتیڤی سەرەکیی وەک عەشق، ژن، مەرگ و نیشتمان بم.

ئەحمەدی ئاماژەی بەوەش دا: لەم شێعرانەدا زۆر جار دەکەومە ناو گێژەنی زمانی فەلسەفی و فەلسەفەی مەرگەوە، بەڵام دواتر ئەوە تەنیا ئیستاتیکای شیعرە ڕزگارم دەکات.

"رۆژباش دیکتاتۆر" لە لایەن دوکتۆر ئومێد وەرزەندە مامۆستای زانکۆ، ڕەخنەگر و وەرگێڕی بە توانای کورد پێشەکی بۆ نووسراوە و وێنەی ڕووبەرگەکەشی بەرهەمی هونەرمەندی ناسراوە "فەردین سادق‌ئەیووبی"یە.

News Code 24894

نیشانەکان

بۆچوونی ئێوە

You are replying to: .
  • 9 + 5 =