کوژرانی پۆلیسێکی تورکیا له‌ هێرشی په‌که‌که‌

به‌ ڕاپۆرتی ئاژانسی هه‌واڵی مێهر له‌ ئێن ئارتی ، هێرشەکەى پەکەکە لەسەر ڕێگەى شارۆچکەى خانى و کاڵەبە بووە لەناوچەى تورالى و تیایدا تەقەیان لە ئۆتۆمبێلێکى پۆلیسی تورکیا کردووە.

لە هێرشەکەشدا دوو پۆلیس برینداربوون و بەهۆى سەختى برینەوە یەکێک لە پۆلیسەکان گیانی لەدەستداوە.

دوابەدواى ڕووداوەکەش هێزەکانى ئاسایش و جەندرمەى تورکیا ئۆپراسیۆنێکیان لەناوچەکە دەستپێکرد.

ئەو هێرشەى پەکەکە لەکاتێکدایە کە هەفتەى پێشوو فڕۆکە جەنگییەکانى تورکیا هێزى سەربازى پەکەکە و کەمپی ئاوارەکانى کوردستانی تورکیایان لە سنورى شەنگال و مەخمور بۆردومانکرد و چوار که‌سیان کوشت.