به ڕاپۆرتی ئاژانسی مێهر لە ماڵپەڕی عەرەبستان واس، عەبدول لەتیف بن ڕاشد زیانی، بەڕێوەبەری ئەنجومەنی هاوکاری کەنداوی فارس واژۆ کردنی یاسای وڵاتی یەهود لە لایەن کنێسێتی ئیسڕائیلی ئیدانە کرد.
لەم ڕاگەیەندراوە هاتووە: ئەنجومەنی هاوکاری کەنداوی فارس ئەم یاسایە بە نژادپەرەستانە و نادادپەروەرانە و دژی هەموو یاسا نێونەتەوەییەکان دەزانێت. ئەم یاسایە لە دژی فەلەستینییەکانە و بە ئاشکرا مافی فەلەستینییەکانی پێشێل کردووە کە خاکیان دەگیر کراوە.
ئەو هەروەها ئاماژەی داوە کە ئەم یاسایە بۆ پشتیوانی لە نژادپەرەستی و پاکتاوی قەومی فەلەستینییەکانە. ئیسڕائیل ئامادە نییە مل بە یاسا نێونەتەوەییەکان بدات و ئامانجەکانی خۆی دژی فەلەستینیەکانە جێبەجێ دەکات.
زیانی لە ئەنجومەنی ئاسایش و نەتەوە یەکگرتووەکان و ڕێکخراوە جیهانییەکان داوای کرد تاکوو بە ئەرکی خۆیان سەبارەت بە ئیسڕائیل هەستن و یاسا نێو نەتەوەییەکان جێبەجێ بکەن.
ئەو هەروەها لە کۆمەڵگای نێو نەتەوەیی داوای کرد تاکوو لە خەڵکی فەلەستین بۆ گەیشتن بە مافەکانیان پشتیوانی بکەن.
Your Comment