چاوش ئۆغڵو داوای هاوکاری ئێران و تورکیا له‌ دژی په‌که‌که‌ ده‌کات

وه‌زیری ده‌ره‌وه‌ی تورکیا داوای هاوکاری نێوان ئه‌نقه‌ره‌ و تاران له‌ دژی حزبی کرێکارانی کوردستان ده‌کات.

به ڕاپۆرتی ئاژناسی مێهر، مه‌ولود چاوش ئۆغڵو، وزیری ده‌ره‌وه‌ی تورکیا له‌ میانه‌ی گفتوگۆ له‌گه‌ڵ کاناڵی تی ئاڕ تی تورکیا سه‌باره‌ت به‌ هێرشی ئه‌م وڵاته‌ بۆ سه‌ر قه‌ندیل وتی: ئه‌وه‌ی که‌ هێزه‌کانی په‌که‌که‌ و په‌ژاک له‌ ئێستا هێرش ناکه‌نه‌ سه‌ر ئێران، به‌ڵام ئه‌مه‌ به‌ مانای ئه‌وه‌ نییه‌ له‌ داهاتوودا هێرش نه‌که‌نه‌ سر و تارانیش باش له‌م مه‌ترسییه‌ ئاگاداره‌.

ئه‌و زیادی کرد: که‌سێک ناتوانێت پاگه‌نده‌ بکات که‌ ئه‌وان له‌ دوای دابه‌ش کردنی ئێرانیش نین و ئێران ئه‌مه‌ش ده‌زانێت، که‌واته‌ پێویسته‌ هه‌ر دوو وڵات له‌مڕووه‌وه‌ هاوکاری یه‌کتر بکه‌ن. وه‌ک هه‌میشه‌ له‌ نێوان ئێران و په‌که‌که‌ شه‌ڕ بوونی نییه‌ به‌ڵام ئێران ده‌زانێت که‌ لقی په‌که‌که‌ که‌ په‌ژاکه‌، له‌ یه‌که‌مین ده‌رفه‌ت که‌ بۆی ده‌ست بدات هێرش بکاته‌ سه‌ر ئه‌م وڵاته‌.

وه‌زیری ده‌ره‌وه‌ی تورکیا ڕایگه‌یاند: ده‌بێت کۆتایی به‌ ئاماده‌ بوونی په‌که‌که‌ له‌ قه‌ندیل بهێنرێت ئه‌و ناوچه‌یه‌ ببێته‌ زۆنگاوی تیرۆریسته‌کان. بۆ ئه‌وه‌ی تورکیا به‌ ئارامی و سه‌قامگیری بگات ده‌بێت بنکه‌ و باره‌گاکانی په‌که‌که‌ له‌ قه‌ندیل به‌ ته‌واوی خاپوور بکرێت.

ئه‌و زیادی کرد: ئێمه‌ ده‌مانه‌وه‌ێت به‌ر له‌وه‌ی تیرۆریسته‌کانی باکووری عێراق بێنه‌ ناو خاکی تورکیا به‌ر به‌م کاره‌ بگرین و ئه‌م هێرشانه‌ له‌ سه‌رچاوه‌که‌یه‌وه‌ وشک بکرێت. ئۆپراسیۆنه‌که‌ به‌ سه‌رکه‌وتوویی ده‌ستی پێ کردووه‌ و درێژه‌شی ده‌بێت.

News Code 19710

نیشانەکان

بۆچوونی ئێوە

You are replying to: .
  • 5 + 13 =