چڵی زەیتوون تا پاککردنەوەی کۆبانی و قامیشلۆ درێژە پێ دەدەین

سەرۆک کۆماری تورکیا بە ئاماژە بەوەی کە ئۆپەراسیۆنی چڵی زەیتوون تا پاککردنەوەی مەنبەج، کۆبانی و قامیشلۆ بەردەوام دەبێ، وتی: ئەگەر پێویست بێت ئۆپەراسیۆنەکانمان لە هەرێمی کوردستانیشدا درێژە پێ دەدەین.

بە ڕاپۆرتی ئاژانسی هەواڵی مێهر بە گێڕانەوە لە "روسیا الیوم"، ڕەجەب تەیب ئەردۆغان سەرۆک کۆماری تورکیا ڕایگەیاند کە ئەو وڵاتە دەیەوێ ئۆپەراسیۆنی چڵی زەیتوون لە سووریا تا کاتی زاڵبوون بە سەر تیرۆریستانی مەنبەج، قامیشلۆ و کۆبانی درێژە پێ بدات.

وتیشی: تا ئێستا ٣٦٢٢ چەکدار لە ڕەوتی ئۆپەراسیۆنی چڵی زەیتوون کوژراون. ئێمە درێژە بە ئۆپەراسیۆنی پاککردنەوەی مەنبەج، قامیشلۆ، کۆبانی و رەئۆسولعەرەب تا وەدەرنانی تیرۆریستەکان دەدەین.

ئەردۆغان جەختی کرد: داوامان لە دەوڵەتی عێراق کردووە کە باکووری عێراق لە چەکدارانی کورد پاککاتەوە و ئەگەر پێویست بێت لەوێشدا ئۆپەراسیۆنمان دەبێت.

شایانی باسە کە سوپای تورکیا لە رۆژی ٣٠ی مانگی سەرماوەزەوە ئۆپەراسیۆنێکی لە شاری عەفرین لە باکووری سووریادا لە دژی هێزە کوردەکانی پاڵپشتکراوی ئەمریکا دەست پێکردووە کە بە پێچەوانەی یاساگەلی نێودەوڵەتی و بە بێ مۆڵەتی دەوڵەتی یاسایی دیمەشقە.

News Code 17634

نیشانەکان

بۆچوونی ئێوە

You are replying to: .
  • 9 + 6 =