خۆپیشاندان لە ئەستەنبۆڵ و داخوازی بۆ دەستلەکارکێشانەوەی ئەردۆغان

بە ڕاپۆرتی ئاژانسی مێهر لە ڕۆیتێرز، خۆپیشاندانی ناڕەزایەتی سەدان کەسی لە ئەستەنبۆڵ پاش دروشمدان دژی دەوڵەتی تورکیا توندوتیژی لێکەوتەوە.

 خۆپیشاندەران کە خوازیاری دەستلەکارکێشانەوەی ڕەجەب تەیب ئەردۆغان سەرۆک کۆماری تورکیا بوون، پارتی دادوگەشە بە بەرپرسیاری پەرەپێدانی توندوتیژی لە تورکیا دەزانن.

 لە کاردانەوە بەم ناڕەزایەتییە، پۆلیسی تورکیا بە هاویشتنی گازی فرمێسکڕێژ، ڕێگری کرد لە درێژەپێدانی ڕێپێوانەکە.

بە هۆی دوو تەقینەوەی خۆکوژی ڕۆژی ڕابردوو شەمە ۱۸ ی رەزبەر، لە نێزیکی وێستگەی شەمەندەفەری ئەنقەرە و لە ناو ئاپۆڕی گردبوونەوەی «ئاشتی و دیمۆکراسی» لانی کەم ۹۵ کەس کوژران و زیاتر لە ۲۰۰ کەس بریندار بوون.