تورکیا ۳ ناوچه‌ی هه‌رێمی کوردستانی بوردومان کرد

به‌ ڕاپۆرتی ئاژانسی هه‌واڵی مێهر له‌ ئانادۆڵۆ، ڕۆژی ڕابردوو هێزی ئاسمانی سوپای تورکیا ئۆپراسیۆنێکی دژی په‌که‌که‌ له‌ باکووری عێراق ئه‌نجام دا.

له‌و ڕاپۆرته‌دا هاتووه‌ که‌ فڕۆکه‌شه‌ڕکه‌ره‌کانی هێزی ئاسمانی سوپای تورکیا ۵ بنکه‌ و هوماری په‌که‌که‌یان له‌ سێ ناوچه‌ی خاکورک، خه‌فتانین و سینات له‌ کوردستانی عێراق بوردومان کردووه.

شیاوی ئاماژه‌یه‌ که‌ ماوه‌ی چه‌ندین ساڵه‌ ناوبه‌ناو هێزی ئاسمانی تورکیا بوردومانی ناوچه‌کانی بناری قه‌ندیل له‌ دیوی هه‌رێمی کوردستان ده‌کات و به‌ بیانووی لێدانی هێزه‌کانی په‌که‌که‌ تا ئیستا خه‌ساری زۆری له‌ خه‌ڵک، جووتیاران و سروشتی کوردستانی عێراق داوه.