ئەبووبەکر بەغدادی هێشتا زیندووە

بەرپرسێکی باڵآی ئەمریکا وێڕای بە درۆ خستنەوەی ڕاپۆرتە بڵاو کراوەکان سەبارەت بە کوشتنی سەرکردەی گرووپی تیرۆریستی داعش وتی کە ئەو هێشتا زیندوویە.

بە ڕاپۆرتی ئاژانسی هەواڵی مێهر لە ماڵپەڕی هەواڵی یەوم سابع، ئەو بەرپرسە ئەمریکییە کە نەیەویست ناوی بڵاو ببێتەوە، ڕایگەیاند: دەزگا ئەمنییەکانی ویلایەتە یەکگرتووەکان بەراوردێکی باشیان لە سەر شوێنی ژیانی بەغدادی هەیە.

ئەمە لەحاڵێکدایە کە هەندێ ڕاپۆرتی دەزگا هەواڵدەرییەکانی عێراق ڕایانگەیاندبوو کە ئەبووبەکر بەغدادی لە هەفتەکانی دواییدا و لە بۆمبارانی پارێزگای نەینەوا لە لایەن شەڕکەرەکانی هاوپەیمانی نێو دوەڵەتی دژی داعشەوە کوژراوە.

ئەبووبەکر بەغدادی چوارەمین سەرکردەی گرووپی تیرۆریستی داعشە کە پاش ئەبوو موسعب زرقاوی، ئەبوو حەمزە موهاجر و ئەبوو عومەر بەغدادی، بووەتە سەرکردەی ئەو گرووپە تیرۆریستیە.

ناوی ڕاستەقینەی بەغدادی کە لە دایک بووی ١٩٧١ ی زایینیە و خەڵکی سامڕایە، ئەبوو دوعا یا کەرار ئیبراهیم بن هاشمی قورەیشیە.

ناوبراو چالاکیەکانی خۆی بە ئەندامێتی لە گرووپی تیرۆریستی قاعیدەوە دەستپێکرد و ساڵی ٢٠١٠ بە فەرمانی ئوسامە بن لادەن کرایە سەرکردەی گرووپی تیرۆریستی لە عێراق.

News Code 7343

نیشانەکان

بۆچوونی ئێوە

You are replying to: .
  • 3 + 4 =