نابێت بە بیانووی شەڕ لە گەڵ تیرۆریزم سەروەری وڵاتان پێشێل بکرێت 

وتەبێژی وەزارەتی دەرەوەی ئێران وتی: هەر دەوڵەتێک کە لە گەڵ تیرۆریزمدا شەڕ بکات باشە بەڵام ئەوەی کە بە ئەم بیانووەوە بمانەوێت سەروەریی وڵاتێک پێشێل بکرێت، قبووڵ ناکرێت.

بە ڕاپۆرتی ئاژانسی هەواڵی مێهر، بەهرام قاسمی وتەبێژی وەزارەتی دەرەوە لە کۆنفڕانسی ڕۆژنامەوانی هەفتانەی خۆیدا سەبارەت وتەکانی بەرپرسانی تورکیا و پێداگرییان لە سەر بەشداری کردن لە ئۆپراسیۆنی موسڵ ئاشکرای کرد پرسی تیرۆریزم پرسێکی گرینگە و هەر دەوڵەتێکیش کە بتوانێت لەگەڵیدا شەڕ بکات زۆر باشە بەڵام ئەمە نابێ ببێتە هۆی پێشێل کردنی سەروەری وڵاتێک. 

ناوبراو وتی: هەر جۆرە بەشداری کردنێک لە ئەم شەڕەدا ئەبێ بە ئاگاداری و مۆڵەتی دەوڵەتی ناوەندی عێراق بێت. 

قاسمی لە درێژەدا بە ئاماژە بە کۆبوونەوەی گشتیی دانوستانەکانی ئێران و ئەورووپا وتی: ئەم دانوستانانە ئەگەری هەیە کە دێسامبەر لە بڕووکسێل بەڕێوە بچێت. 

ناوبراو زیادی کرد : دانوستانەکانی ئێران و ئەورووپا لە ئاستی جێگرانی وەزیردا ئەنجام دەبێت و پرسی زۆر دانراوەن کە لەسەریان باس بکرێت، لەوانە پرسی مافی مرۆڤە بەڵام بە گشتی لە سەر مافی مرۆڤ نیە.

News Code 6130

نیشانەکان

بۆچوونی ئێوە

You are replying to: .
  • 2 + 3 =