بە پێی ڕاپۆرتی ئاژانسی هەواڵی مێهر، ئیسماعیل بەقایی وتەبێژی وەزارەتی دەرەوەی ئێران لە پەیامێکدا لە تۆڕی کۆمەڵایەتی ئیکس، بە ئاماژە بە دووپات کردنەوەی پاگەندە درۆکان لەلایەن بەرپرسانی ئەمریکی و ئیسرائیلەوە سەبارەت بە بەرنامەی ئەتۆمی ئێران و دیکە بابەتە هاوپەیوەندەکان لەگەڵ ئێران، نووسی: درۆزنە شارەزاکان لێزانی تایبەتیان بۆ دروست کردنی ڕاستی بێ بنەما هەیە.
درۆیەک ئەوەندە دووپات دەکەنەوە هەتا ڕواڵەتی ڕاستی لەخۆ دەگرێت؛ ئەوە، بنەمایەکە کە لەلایەن ژۆزێف گوبلز وەزیری ئیتلاعاتی ئەڵمانیای نازی و ڕاوێژکاری هیتلرەوە داهێنرا و بە شێوەی بەربڵاو بەکار هێنرا.
ئەو بنەمایە ئێستا بە شێوەی سیستەماتیک لەلایەن دەوڵەتی ئەمریکا و شەڕخوازانی دەوروبەریانەوە، بەتایبەتی ڕژێمی کۆمەڵکوژی ئیسرائیل، بۆ بەرەوپێش بردنی هەڵمەتی ئەهریمەنی بڵاو کردنەوەی ئیتلاعاتی درۆ و ساختە لە دژی گەلی ئێران بەکار دەهێنرێت. ئەوەی کە سەبارەت بە بەرنامەی ئەتۆمی ئێران، مووشەکی بالستیکی کیشوەرپێوی ئێران و ژمارەی گیان بەختکردووەکانی نائارامیەکانی بەفرانبار پاگەندە دەکرێت، شتێک جگە لە دووپات کردنەوەی کۆمەڵێک درۆی گەورە نییە.
هیچکەس نابێت فریوی ئاوەها درۆگەلێک بخوات.
Your Comment