بەپێی ڕاپۆرتی ئاژانسی هەواڵی مێهر، لەو بەیاننامەیەدا هاتووە کە دوای شەڕی ١٢ ڕۆژەی ئیسڕائیل بەرانبەر ئێران و شکست هێنانی ڕژێمی زایۆنی لە بەرانبەر هێزی سەربازی و گەلی ئێران، دوژمن بەو ئەنجامە گەیشت کە بە هێزی سەربازی ناتوانێ گەلی ئێران بەچۆکدا بێنێت بۆیە ڕەوتی گۆڕی و یەکپارچەیی و یەکڕیزی گەلی کردە ئامانج.
ئاماژەش دراوە کە توخمە تیرۆریستیە ڕێکخراوەکان لە لایەن دوژمنەوە دزەیان پێکرایە ناو ناڕەزایەتی بازاڕیان بۆ بەلاڕێدا بردن و توندوتیژی کردن لە شارەکانی وڵات و خەساری زۆریان لە سامانی گشتی و ماڵ و حاڵی خەڵکدا.
هەروەها هاتووە: بە کردەوەی تیرۆریستانەی ئاژاوەگێڕان جگە لە خەسار لە بانک و بازاڕ و مزگەوت و حسێنیە و ئۆتۆمبێلی فریاگوزاری و گواستنەوەی گشتی و پاس و نەخۆشخانە و ماڵ و حاڵی خەڵکی ئاسایی و ڕاگوزەری سەر شەقام، دەستیان دایە کوشتن و سەربڕین و سووتاندنی خەڵک و هێزە سەربازییەکان و پۆلیس و پارێزەرانی ئاسایشی وڵات بە شێوەیەکی داعشیانە.
ئەنجۆمەنی ئاسایشی ئێران ڕایگەیاندووە: لەو ئاژاوەیەدا 3117 کەس کوژراون کە لەو ژمارەیە 2427 کەسیان لە خەڵکی بێ تاوان و پارێزەرانی ئاسایش و پۆلیس و هێزی سەربازین کە بە دەستی ئاژاوەگێڕان شەهید کراون.
Your Comment