بە ڕاپۆرتی ئاژانسی هەواڵی مێهر، سەید عەباس عێراقچی لە لێدوانێکی تایبەتی بۆ کەناڵی "المنار"ی لوبنان، سەبارەت بە دۆخی ئێستای ئێران وتی: پاش دەستدرێژیی 12 ڕۆژە بۆ سەر ئێران، هێزی چەکداریمان لە ئاستێکی باشدا نۆژەن بۆتەوە و توانای سەربازیمان بووژاوەتەوە و دۆخی ئێستامان زۆر باشترە لە دۆخی بەر لەو شەڕە.
ناوبراو بە ئاماژە بە دەستێوەردانی ئاژاوەگێڕانەی تاقمێکی بەکرێگێڕاوە و تێکدانی دۆخی ناڕەزایەتییە ناوخۆییەکانی ئێران، ڕەخنەی لە سیاسەەتی دووفاقەی تۆمەتبارکردنی پۆلیسی ئێران لە کاردانەوە بە ئاژاوەگێڕییەکان گرت و وتی: ئەوە لە کاتێکدایە کە کاربەدەستانی ئەمریکی و زایۆنی ڕاشکاوانە دانیان بە بوونی هێزەکانی مووساد لە شەقامەکانی ئێراندا کردووە.
عێراقچی سەبارەت بە هەڕەشەکانی ئەمریکا، جەختی کرد: ئێران تەواو ئامادەی بەرگری لە خۆیەتی، هەڵبەت ئەم ئامادەییە بە مانای شەڕخوازی نییە، بەڵکوو بۆ پێشگری لە شەڕە.
Your Comment