بە ڕاپۆرتی ئاژانسی هەواڵی مێهر بە گێڕانەوە لە ئەلمەیادین، حزبوڵا لە بەیاننامەیەکدا کاردانەوەی بەرامبەر بە بڕیارەکەی حکوومەتی لوبنان لە دژی چەکی بەرخۆدان نیشان دا.
لە بەیاننامەکەی حزبوڵادا هاتووە: حکومەتی نەواف سەلام هەڵەیەکی گەورەی کرد بە گرتنەبەری بڕیاری چەکداماڵینی بەرخۆدان لە دژی دوژمنی ئیسرائیل. ئەم بڕیارە پێچەوانەی لێدوانی وەزارییە.
لە بەیاننامەکەی حزبوڵادا هاتووە: بڕیارەکەی حکومەت، لە ئەنجامی خواستی نێردراوانی ئەمریکایە. ئەم بڕیاره به تەواوی بەرژەوەندییەکانی ئیسرائیل جێبەجێ دەکات و لوبنان له بەرانبەر دوژمندا بێ چەک دەهێڵێتەوه و بەرگری له لوبنان ناهێڵێت.
حزبوڵا ڕایگەیاند: بڕیارەکەی حکومەت بەشێکە لە ستراتیژی تەسلیمبوون و پێشێلکردنی ئاشکرای بناغەکانی سەروەری لوبنان. کشانەوەی وەزیرەکانی حزبوڵا و ئەمەل لە کۆبوونەوەکە نیشانەی دژایەتی ئەو بڕیارە بوو.
ئەم بڕیارەی حکومەت، سەروەری لوبنان تێکدەدات و دەرگا بەڕووی ئیسرائیلدا دەکاتەوە کە لە داهاتوودا هەڕەشە لە ئاسایش و بوونی وڵاتەکەی بکات. ئێمە وا مامەڵە لەگەڵ بڕیارەکەی حکومەتی لوبنان دەکەین وەک ئەوەی هیچ بڕیارێکی لەو شێوەیە نەدرابێت و لە هەمان کاتدا ئامادەین بۆ قسەکردن.
Your Comment