ئاژانسی هەواڵی مێهر، گرووپی نێودەوڵەتی: ڕۆژی شەممە ١٧ی جۆزەردان، ڕادیۆ و تەلەفزیۆنی کۆماری ئیسلامی ئێران بە پشتبەستن بە سەرچاوە ئاگادارەکان، پەردەی لەسەر گەورەترین سەرکەوتنی ئیتلاعاتی وڵات لە شەڕی دژ ڕژیمی داگیرکەر لە قودس لادا. بەپێی ئەو زانیارییانەی لە میدیاکانەوە بڵاوکراونەتەوە، دەزگای هەواڵگریی ئێران، لە ئۆپەراسیۆنێکی ئاڵۆزی “مەیدانی” و “ئەلەکترۆنیدا”دا، سەرکەوتوو بوون لە هێنانی ڕێژەیەکی بەرچاو لە بەڵگەنامە ستراتیژییەکانی ئیسرائیل، بەتایبەتی بەرنامەی ئەتۆمی ڕژێم، بۆ ناو ئێران لە ئۆپەراسیۆنێکی ئاڵۆز و ناوازە لە ناوچە داگیرکراوەکانەوە، و لێکۆڵینەوە و پشکنینیان لە شوێنێکی ئەمندا لەسەری ئەنجام داوە.
دیارە ڕەچاوکردنی ئەمنیەتی پەیوەست بە گواستنەوەی ئەم بەڵگەنامانە بۆ ناو وڵات و ڕێژەی زۆریان بووە هۆی ئەوەی تاران پەردە لەسەر بڵاوکردنەوەی پێشوەختەی ئەم سەرکەوتنە ستراتیژییە لە ئێستادا لابدات. بەگوێرەی زانیارییەکان، وادیارە ئەو بەڵگەنامانەی کە ئاماژەیان پێکراوە، لە وەزارەتی ئاسایشی ناوخۆ و سێرڤەرەکانی پەیوەست بە بەرنامەی ئەتۆمی و هەندێک بەڵگەنامە لە “هەکاریا” وەرگیراون و گواستراونەتەوە بۆ ئێران.
بەرفراوانی ئەم سەرکەوتنە لە "شەڕی سێبەرەکان"دا ئەوەندە قووڵ و گەورەیە کە هەندێک لە شرۆڤەکاران باس لە ئەگەری ڕوودانی بوومەلەرزە لە کەشی ئەمنیی ئیسرائیل و دوورخستنەوەی سەرۆکەکانی شین بێت-مۆساد و تەنانەت دادگاییکردنیان دەکەن.
ڕەنگە هەر لەبەر ئەمەش بێت کە سەید ئیسماعیل خەتیب، وەزیری ئیتلاعات، ئەو بەڵگەنامانەی بە "گەنجینەی ئیتلاعاتی ستراتیژی ڕژێمی زایۆنی" ناوبردووە!
گۆڕینی هاوسەنگی لە مەیدانی خۆڵەمێشیدا
لە میانەی شەڕی “جەنگی سێبەرەکان” لە نێوان ئێران و ڕژێمی زایۆنیستی، شرۆڤەکاران هێزی ئێرانیان بە پشتبەستن بە تۆڕی بەرخۆدان و شەڕی ناهاوسەنگ لەگەڵ ڕژێمی زایۆنیستی بە پشتبەستن بە ستراتیژی “ئەڵقەی ئاگر” پێناسە دەکرد.
لە لایەکی دیکەوە، ڕژێمی زایۆنیستی، لە کۆتایی سەدەی بیستەمەوە، بە دەستپێکردنی هەڵمەتی تیرۆر، تێکدان، دروستکردنی دۆسیە و دزینی بەڵگەنامەکان لە دژی بەرنامەی ئەتۆمی ناوچەیی ئێران و هەندێکجاریش هاوکێشەکە بە قازانجی خۆی، هەوڵی داوە جۆرێک هاوسەنگی لەم شەڕە داڕزێنەرەدا دروست بکات. لوتکەی ئەم ململانێیانە لە لایەک لە “ئەمنیەتیکردنی مەلەفی ئەتۆمی ئێران” و “ئۆپەراسیۆنی زریانی ئەقسا” و گۆڕانی دۆخی ژێئۆپۆلەتیکی ناوچەی ڕۆژهەڵاتی عەرەبی لە لایەکی دیکەوە دەبینرێت. لە وەها هەلومەرجێکدا، ناوەندە لێکۆڵینەوەییە ڕاستڕەوەکان و میدیاکانی سەر بە بزووتنەوەی شەڕخوازی واشنتۆن-تەلئەبیب بانگەشەی ئەوەیان دەکرد کە ئێران لە سەردەمی نوێدا پەنا بۆ "خۆپاراستنی ئەتۆمی" دەبات و هیچ کارتێکی دیکەی نییە بۆ گەڕاندنەوەی هاوسەنگی بەرامبەر ئیسرائیل! بەڵام تێپەڕبوونی کات پێچەوانەی ئەم بانگەشەیەی سەلماندووە.
دەستکەوتی هەواڵگریی ئەم دواییە لەم شەڕە ئاڵۆز و تێکەڵە ، جارێکی دیکە بووەتە هۆی ئەوەی کە هاوسەنگی هێز لە نێوان ئێران و ڕژێمی زایۆنیدا بگۆڕێت. لە کاتێکدا تاران بەردەوامە لە بەهێزکردنی هاوپەیمانەکانی لەسەر سنوورەکانی لوبنان، کەرتی ڕۆژئاوا و غەززە بۆ کۆنترۆڵکردنی ئیسرائیل، هەروەها دەزگای ئیتلاعاتییەکانی ئێران بە نیشاندانی توانای ئۆپەراسیۆنیی خۆیان لە قووڵایی ناوچە داگیرکراوەکاندا توانی بەرەیەکی نوێ لە دژی داگیرکەرانی قودس بکاتەوە. پەیامی ئۆپەراسیۆنی ئەم دواییەی ئێران ئەوەیە کە ئەگەر تاران بڕیار بدات کەسایەتییە دیارەکان یان ئامانجێکی سەرەکی و گرینگ لە ئیسرائیل بکاتە ئامانج، تەنیا تەنگژەی بەردەمی هەڵبژاردنی "کات" و "شوێن"ی گونجاوە! بە واتایەکی تر، دوای ئۆپەراسیۆنی ئەم دواییە، هیچ ئامانجێکی ستراتیژی لە فەلەستینی داگیرکراودا کێشەی دەستپێڕانگەیشتن یان نامومکین بوونی نییە. بە لەبەرچاوگرتنی ڕاستی ئەو گریمانانە، هاوکێشەی دەسەڵات لە نێوان تاران و تەلئەبیب گۆڕانکاری بەسەردا هاتووە و ئەمڕۆ ئێران ئەگەری نوێی بۆ لێدانی ڕژێمی زایۆنی لەبەردەمدایە.
بوومەلەرزە لە هاکریا
"نکۆڵی"، "گاڵتەکردن"، "گومان" و "بێدەنگی" یەکەم کاردانەوەن کە لەلایەن بەرپرسانی حکومەت، میدیا و کەسایەتییە ئەمنییەکانی ئامادەبوو لە توێژینگەکان و کەشی میدیایی ئیسرائیل تۆمارکراون.
ڕەنگە ئەو باوەڕە کە گرنگترین بەڵگەنامەکانی ڕژێمی زایۆنیستی گواستراونەتەوە بۆ ئێران، تەنانەت بۆ ڕەشبینترین شرۆڤەکاری زایۆنیستیش زۆر بەدوور بێت.
لە ماوەی هەشت دەیەی ڕابردوودا، دەزگا هەواڵگرییەکانی ئیسرائیل بە ئەنجامدانی چەندین ئۆپەراسیۆنی تیرۆر، دزەکردن، تێکدان یان دزی ڕۆڵێکی بەرچاویان لە هێشتنەوەی ڕژێمی زایۆنیستیدا بوو.
لە سەرەتای کۆچی نایاسایی گرووپە جوولەکەکان لە هەموو جیهانەوە بۆ خاکی فەلەستین تا بەستنی پەیمانی ئیبراهیم لە نێوان ئیسرائیل و وڵاتانی عەرەب، دەزگای هەواڵگری ئیسرائیل توانیویەتی بە شێوەیەکی کاریگەر و کارامە ڕۆڵ بگێڕێت و گورزی جددی لە دوژمنان و ڕکابەرەکانی ئیسڕائیل بدات. بۆ نموونە کردەوە تیرۆریستییەکانی مۆساد لە دژی زانایان لە ناوچەی عەرەبی ڕێگری لە وڵاتانی وەک عێراق و سووریا کرد کە ڕێگایەکی لەبار بۆ پەرەپێدانی بەرنامە ئەتۆمییەکانیان بگرنەبەر.
ئێستا لە ناوەڕاستی ئۆپراسیۆنی “گەردەلوولی ئەقسا”دا، سەربازانی ئیمامی زەمان (د.خ) توانیان لە ئۆپەراسیۆنێکی فرەڕەهەند و ئاڵۆز و ناوازەدا بچنە ناو قووڵایی ڕێکخراوەی سەربازی-ئەمنی ئیسرائیلەوە و بە گواستنەوەیان بە ڕێکارێکی بێخەوش بەڵام نادیار، هەژموونی زانیاریی ڕژێمی زایۆنی بڕووخێنن.
شارەزایان پێیان وایە ئەگەر ئێران لە چەند هەفتەی داهاتوودا وردە وردە بەڵگەنامە گرنگەکانی ئیسرائیل لە بوارەکانی سەربازی-ئەمنیدا بڵاوبکاتەوە، ئەگەری کۆدەنگی جیهانی و ئاژاوەی ناوخۆیی لە ناوچە داگیرکراوەکان زیاتر دەبێت. بەم پێیە، دوورخستنەوە یان دەستلەکارکێشانەوەی کەسایەتییە سەرەکییەکانی وەک دەیڤید بارن لە پۆستی بەڕێوەبەری مۆساد ئەگەری زۆرە. تاران بە کاتی دیاریکردنی ئەم ئاشکراکردنە مێژووییە، دەتوانێت ئاستی گوشاری سیاسی-ئەمنی لەسەر ترۆیکای ئەوروپی-ئەمریکی زیاد بکات، کە بە هاوکاری ئاژانسی نێودەوڵەتی وزەی ئەتۆمی، هەوڵی چالاککردنی میکانیزمی پلەپیتکە لە دژی ئێران دەدات. لە ئەگەری گەڕانەوەی ئەم خستنەڕووە لە لایەن ئێرانەوە، دەرفەتی پێویست بۆ کشانەوە لە “NPT” بە بیانووی گەڕانەوە بۆ سزاکانی نەتەوە یەکگرتووەکان دەڕەخسێنێت.
ئەنجامی قسە
پێشتر مێژوونووسان و شرۆڤەکارانی ئەمنی ئاشکراکردنی بەرنامەی ئەتۆمی دیمۆنا لەلایەن مۆردخای ڤانونوەوە وەک گەورەترین شکستی دەزگای هەواڵگری ئیسرائیل لە مێژووی ئەم ڕژێمەدا تۆمار کردبوو، بەڵام ئەمڕۆ دەتوانین باسی شکستێکی گەورەتر بکەین. دوای تێپەڕبوونی ٢٠ مانگ بەسەر شەڕی گەردەلوولی ئەقسا دەرکەوت کە حاکمەکانی زایۆنی بۆ هێرشی تاکتیکی بۆ سەر پێکهاتەی فەرماندەیی و ڕێکخراوە سەربازییەکانی بەرخۆدان پشتیان بە هێزی دەزگا ئەمنییەکانی ئیسرائیل بەستووە، ئیتلاعاتی ئێران لە پرۆژەیەکی هاوبەشدا بڕیاریان دا کە جۆرێک لە هاوسەنگی ئەمنی لە دژی مۆساد، شین بێت و ئامان بە دزەکردنە ناو قووڵایی ناوەندە هەستیارەکانی ڕژێمی زایۆنی دروست بکەن لە ڕێگەی دزەکردنی مرۆیی- ئەلیکترۆنی.
ئێستا تاران ئەگەری دەستڕاگەیشتن بە لانیکەم ٧ گیگابایت بەڵگەنامەی هەستیاری پەیوەست بە دامەزراوە گرنگەکانی (ئەتۆمی) ئیسرائیلی هەیە، بۆ ئەوەی هەڵسەنگاندنێکی وردتری هەبێت بۆ شوێن و ئاستی هێزی دامەزراوەکان و ڕێکخستنی هێزی هێرشبەری وڵات بۆ هێرشکردنە سەر ئامانجە گرنگەکان لە ناوچە داگیرکراوەکان.
گەیشتن بە دەستکەوتێکی گەورە لەم جۆرە لە شەڕی زانیاری لەگەڵ ڕژێمی زایۆنیستیدا نەک هەر هاوکێشەکان لە ڕەوتی شەڕی داڕزێنەر و درێژخایەنی تاران و تەلئەبیب دەگۆڕێت، بەڵکوو پێگەی ئەمنی ئێران و میحوەری خۆڕاگری لە ناوچەی ڕۆژئاوای ئاسیا بەهێزتر دەکات.
Your Comment