تورکیا 100 بنکەی سەربازی لە عێراق هەیە؛ 99 بنکەی لە هەرێمی کوردستان

بە ڕاپۆرتی ئاژانسی هەواڵی مێهر، قاسم ئەعرەجی راوێژکاری ئاسایشی نەتەوەیی عێراق، ڕایگەیاند کە تورکیا نزیک بە 100 بنکە و ناوەندی چاوەدێری سەربازی لە هەرێمی کوردستان و پارێزگای نەینەوا هەیە. ناوبراو جەختی کرد کە چوونە دەرەوەی هێزەکانی تورکیا لە عێراق پێوەندی بە چوونە دەرەوەی پەکەکە لە خاکی عێراقە.

ئەعرەجی لە گفتوگۆیەکدا لەگەڵ کەناڵی ئەلعەهد وتی: تورکیا تەنیا یەک بنکەی لە پارێزگای نەینەوا هەیە، بەڵام بنکە سەربازییەکانی ئەو وڵاتە لە سەرتاسەری هەرێمی کوردستان کراوەن.

ناوبراو جەختی کرد: هیچ بڕیارێکی فەرمی لەلایەن حکومەتی عێراقەوە بۆ بوونی هێزەکانی تورکیا لە خاکی ئەو وڵاتە لە ئارادا نییە و جێگیر کردنی ئەو هێزانە دەگەڕێتەوە بۆ دەیەکانی 90 ی زایینی.

ڕاوێژکاری ئاسایشی نەتەوەیی عێراق جەختی کرد: بوونی پەکەکە لە عێراق نایاساییە و ئێمە داوا لە ئەو پارتە دەکەین بڕیارەکەی عەبدوڵڵا ئۆجالان بۆ دانانی چەکەکانیان جێبەجێ بکەن، چونکوو ئە وهەوڵە هەنگاوێکی سەرەکی بۆ چوونە دەرەوەی تەواوی هێزەکانی تورکیا لە عێراقە.