سنووری عێراق و سووریا بە تەواوەتی داخرا

بە پێی ڕاپۆرتی ئاژانسی هەواڵی مێهر،بە فەرمانی محەممەد شیاع ئەلسودانی، سەرۆک وەزیرانی ئێراق، سنوورەکانی ئەو وڵاتە لەگەڵ سووریا بە تەواوی داخراوە.

قەیس ئەلمحەممەدەوی، جێگری فەرماندەی بارەگای ئۆپەراسیۆنە هاوبەشەکانی عێراق ڕایگەیاند: سنوورەکانی عێراق و سوریا بە تەواوی داخراون و ئێمە بە تەواوی پابەندی فەرمانەکانی فەرماندەی گشتی هێزە چەکدارەکان دەبین بۆ بەرگریکردن و پاراستنی عێراق.

قاسم ئەلئەعرەجی، ڕاوێژکاری ئاسایشی نیشتمانی عێراق، هەروەها لە کاردانەوە بە پێشهاتەکانی سوریا وتی: هیوادارین حکومەتی سوریا بتوانێت دەست بەسەر هەموو ناوچەکانی ئەم وڵاتەدا بگرێت.

ئەلئەعرەجی جەختی لەوە کردەوە: هێزە ئەمنییەکانی عێراق وریان و بە ئامادەیی تەواوەوە بەدوای هەر کەسێکدا دەگەڕێن کە هەڕەشە لە ئاسایشی عێراق و گەلەکەی بکات.