بە ڕاپۆرتی ئاژانسی هەواڵی مێهر، مەسعوود پزشکیان لە کۆبوونەوەی ئێوارەی ئەمڕۆ یەکشەممەی ئەنجومەنی وەزیران بە ئاماژە بە دەستدرێژیی ئیسرائیل بۆ سەر هەرێمی ئاسمانی ئێران وتی: جەنایەتەکانی ڕژیمی زایۆنی بۆ هەموو جیهان سەرلمێندراوە و پاڵپشتانی ئەو ڕژیمە و لە سەرووی هەموویانەوە ئەمریکا، ئەگەرچی پاگەندەی مافی مرۆڤ و ئازادی دەکەن، چاویان بەڕووی کۆمەڵکوژیی دەیان هەزار ژن و منداڵ لە لایەن ئەو ڕژیمە جەنایەتکارە بەستووە.
سەرۆک کۆمار لە درێژەدا جەختی لە مافی وەڵامدانەوەی ئێران بەو هێرشەی ڕژیمی زایۆنی کرد و وتیشی: ئێمە شەڕخواز نین، بەڵام بەرگری لە مافی گەل و وڵاتەکەمان دەکەین و وەڵامێکی گونجاو بە دەستدرێژیی ڕژیمی زایۆنی دەدەینەوە.
پزشکیان ئاماژەی بەوەش دا: دیارە ئەگەر دەستدرێژییەکانی ڕژیمی زایۆنی و جەنایەتەکانی درێژەیان هەبێت، ئاژاوەکان زیاتر پەرە دەستێنن و دەزانین کە ئەمریکا، بۆ خەملانی ئەو کارەساتانە ئیسرائیل هان دەدا. ئەوان ئەگەرچی بەڵێنیان پێدابووین کە لە بەرامبەر دان‌بەخۆدا گرتنی ئێمە کۆتایی بە شەڕ دێنن، بەڵام پابەندی بەڵێنەکەیان نەبوون.
Your Comment