خۆپیشاندان لە بەغدا دژی ئیسڕائیل

بە ڕاپۆرتی ئاژانسی هەواڵی مێهر، لەسەر پردى موعەلەق لە بەغدا، خۆپیشاندانى لایەنگرانى حەشدى شەعبی و شیعەکان دژ بە هێرشەکانى ئیسرائیل بۆسەر لوبنان و شەهید کردنی سەید حەسەن نەسروڵا ئەمیندارى گشتى حزبوڵا بەڕێوەچوو و خۆپیشاندەران دەیانەوێت بچنە ناوچەى سەوز و هێرشبکەنە سەر باڵیۆزخانەى ئەمریکا.

خۆپیشاندەران دروشمى جیاواز دژ بە ئەمریکا و ئیسرائیل دەڵێنەوە و وێنەى حەسەن نەسروڵایان بەرزکردووەتەوە، بەڵام هێزە ئەمنییەکان ڕێگەیان پێنادەن بپەڕنەوە بۆ ناوچەى سەوز.