بە ڕاپۆرتی ئاژانسی هەواڵی مێهر، کۆمیسیۆنی سەربەخۆی نێودەوڵەتیی توێژینەوە لەبارەی سووریا لە ٥٧ـه‌مین دانیشتنی ئەنجومەنی مافی مرۆڤی ڕێکخراوی نەتەوە یەکگرتووەکان لە ژێنێڤی سویسرا، لە ڕاپۆرتێکدا هێرشەکانی ئەم دواییەی تورکیا و ملیشیاگەلی ژێر فەرمانی ئەو وڵاتەی بۆ سەر ناوچەکانی باکوور و ڕۆژهەڵاتی سووریای بە پێشێل‌کردنی ئاشکرای مافی مرۆڤ زانی.
بەپێی ئەم ڕاپۆرتە تورکیا لە هێرشەکانیدا هاوکاتی خاپوورکردنی ژێرخانەکانی ناوچە و کردنە ئامانجی خەڵکی سڤیل، خۆسەرانە خەریکی قۆڵبەست‌کردن و ئەشکەنجە و تاڵانی خەڵکی خۆجێییە.
ئەم کۆمیسیۆنە لە کۆتایی ڕاپۆرتەکەیدا بە ئاوڕدانەوە لە قەیرانی ئابووری و دۆخی نالەباری ئەمنیی ناوچەکە، خوازیاری وەستاندنی خێرای هێرشەکان و پەرەدان بە یارمەتیی مرۆڤدۆستانە بۆ سووریا بوو.
Your Comment