بە ڕاپۆرتی ئاژانسی هەواڵی مێهر،عەبدولکەریم عومەر نوێنەری بەڕێوەبەرایەتی خۆسەر لە ئەورووپا لە گفتوگۆیەکدا لە مەترسییەکی جیدی بۆ سەر جیهان هەواڵی دا و و تی کە جیهان ئەبێ چاوەڕوانی نەوەیەکی نوێ لە داعش بێت چونکوو زیاتر لە 30 هەزار منداڵی داعشی لە کەمپی هەول نیشتەجێیە و بەڕێوەبەرایەتی خۆسەر داوای چارەسەری پرسەکە لە کۆمەڵگای نێودەوڵەتی دەکات.
عەبدولکەریم عومەر نوێنەری پێوەندی دەرەوە لە ئەورووپا ڕایگەیاند: لە ئێستادا لەگەڵ بەڕیوەبەرایەتی خۆسەر وەکوو حکومەتی دۆفاکتۆ و بە شێوەی فەرمی هەڵسوکەوت دەکرێت و لەمپەرێک لەسەر ڕێگای پێوەندی ئێمە بوونی نییە و لە بەرزترین ئاستدا لەگەڵ ئەمریکا، ڕووسیا، بریتانیا وئەورووپا و نەتەوەیەکگرتووەکان لە ژێنێڤ پێوەندیمان هەیە بەڵام پێوەندی ئێمە لەگەڵ وڵاتانی عەرەبی لە ئاستی چاوەڕوانکراودا نییە و هەوڵ دەدەن بۆ باشتر کردنی.
ناوبراو وتیشی: ئێستا هەزاران داعشی لە کەمپی هەول نیشتەجێن و هەر ئەوانە 30000 منداڵیان هەیە بە بەبیری توندڕەوانەوە گەورە بوون و وەکوو بۆمبێکی چێندراون و نەوەیەکی نوێی داعشن کە مەترسیەکن بۆ سەر هەموو جیهان .
Your Comment