بە پێی ڕاپۆرتی ئاژانسی هەواڵی مێهر، بە گوێرەی دوایین ڕاپۆرتی چاودێری مافی مرۆڤی سووریا، لەوەتەی داعش لە ساڵی ٢٠١٩ خاکی خۆی لە سووریا لەدەست داوە، نزیکەی چوار هەزار و ١٠٠ هاووڵاتیی ئەم وڵاتەی لە ناوچەکانی ژێر دەسەڵاتی حکوومەت و کورد کوشتووە.
ئەم ڕێکخراوە کە چاودێری پێشهاتەکانی سووریا دەکات ڕایگەیاندووە کە داعش لە زیاتر لە دوو هەزار و ٥٥٠ ئۆپەراسیۆندا سەربازی حکوومەتی سوریا و هێزی کوردی سوریا و هاوڵاتی مەدەنی کوشتووە.
٦٢٧ کەس لە کوژراوەکان خەڵکی سڤیل بوون کە لە ناوچەکانی ژێر دەسەڵاتی حکومەت و ئیدارەی خۆسەری کورد لە سوریا دەژین.
ڕێکخراوی چاودێری مافی مرۆڤی سووریا ڕایگەیاندووە کە هەموو ڕۆژێک ئۆپەراسیۆنی چەکدارانی داعش لە ناوچەکانی ژێر دەسەڵاتی حکومەت یان کوردەکانی سووریا دەبینین.
هەروەها ڕایگەیاند که له ساڵی 2019ه وه تا ئێستا 2100 هێزی داعش یان سەرکردەکانی گیانیان له ده ستداوه .
نەتەوە یەکگرتووەکان ژمارەی چەکدارانی داعشی ئێستا لە عێراق و سووریا لە نێوان سێ بۆ پێنج هەزار چەکدار دەخەمڵێنێت.
Your Comment