تەرمی فریار ئەمینی پوور، وەرزشوانی سەقزی ئەسپەردە کرا

بە ڕاپۆرتی ئاژانسی هەواڵی مێهر، ئەو وەرزشوانە گەنجەی خەڵکی سەقز شەوی 2 ی بەفرانبار لە ڕووداوی هاتوچۆی ماتۆڕسیکلێت لە پۆکەندی تایلەند، گیانی لەدەست دا.

ئەمینی پوور کە دەیەویست گرێبەستی 100 هەزار دۆلاری لەگەڵ یانەیەکدا واژۆ بکات، 4 سەرکەوتن و یەک شکستی لە لیستی کارەکانی هەبوو و دوایین کێبڕکێی لە یەکی بەفرانبار لە ستادیۆمی گەورەی لۆمپینی بانکۆک ئەنجام دا.

تەرمی فریاری ئەمینی پوور دوای گەڕانەوە بۆ زێدەکەی ئەمڕۆ هەینی بە بەشداری خەڵکی شاری سەقز لە گۆڕستانی ئایچی نێژرا.