بە پێی ڕاپۆرتی هەواڵنێری مێهر، ئیسماعیل بەقایی، لە کاردانەوە بە پۆستەکەی ستیڤ ویتکاف لە تۆڕی ئێکس کە تیایدا ئاماژەی بە لەناوبردنی بەرنامەی ئەتۆمی ئێران و پیشەسازییە سەربازییە پەیوەندیدارەکانی ئێران کردووە، ڕایگەیاندووە کە بەشێک لە هەڵەکان هەڵەی بنەڕەتین کە دەکرێت ڕێڕەوی نوێی دانوستانەکان پەکبخات.
وتەبێژی وەزارەتی دەرەوەی ئێران لە نامەیەکدا بۆ دانوستانکارە ئەمریکییەکە نووسیویەتی و هۆشداری داوە و ئەم بابەتەی بیرخستۆتەوە و دەڵێت: گۆڕینی دەروازەی گۆڵەکە لە تۆپی پێدا هەڵەیەکی بنەڕەتییە و هەنگاوێکی نادادپەروەرانەیە. هەڵەیەک کە هەندێک لە توندڕەوەکانی ئەمریکا کە لە هونەری ڕێککەوتنی بردنەوە-بردنەوە تێناگەن، بەسەر حکومەت و دانوستانکارانی ئەمریکادا دەیسەپێنن. لە دیپلۆماسیدا هەڵەیەکی لەو شێوەیە دەتوانێت سەرەتایەکی نوێ کە بە سەختی دەستی پێکردووە لەبار ببات.
وتیشی: دەکرێ هەنگاوێکی لەو شێوەیە وەک نەبوونی نیازی جددی و نیازپاکی سەیر بکرێت. "پێویستە ڕێوشوێنی جددی بگرینەبەر بۆ گۆڕانکاری".
Your Comment