“فاتمە زاهری “ڕێکۆردداری گینس لە سنە، ڕێزی لێگیردرا

بە ڕاپۆرتی ئاژانسی هەواڵی مێهر، ئیسماعیل زارعی کووشا دوانیوەڕۆی چوارشەممە بە ئامادەبوون لە ماڵی فاتمە زاهری ڕێکۆردداری گینس، سەرکەوتنی ئەو خاتوونەی پیرۆزبایی کرد.

پارێزگاری کوردستان لە ئەو دیدارەدا وتی: وەرزشوانان و گەنجانی ئەم پارێزگایە سەرکەوتنی جیهانی زۆریان بەدەست هێناوە و بوونەتە هۆی شانازی و هیوادارین ڕێگاتان پڕ ڕێڕەو بێت و داهاتوویەکی گەشتان بۆ بەئاوات دەخوازین.

شیاوی ئاماژەیە، فاتمە زاهری ڕۆژی 24 ی خەزەڵوەر توانی بە مەلە کردن، مەودای 12 کیلۆمەتری لە ئاوەکانی کەنداوی فارس بە باڵاپۆش و دەستی بەستراوەوە، بپێوێت و لە ئەو بوارەدا ڕێکۆردی نوێ لە گینس تۆمار بکات.