بە ڕاپۆرتی ئاژانسی هەواڵی مێهر، حەماس بەیاننامەیەکی بڵاو کردەوە و بە فەرمی ڕایگەیاند کە ١٣ زیندانی ئیسرائیلی و ٧ هاووڵاتی بیانی ڕادەستی خاچی سوور کردووە.
لیواکانی قەسام ڕایگەیاند، لە چوارچێوەی ڕێککەوتنی ئاگربەستی مرۆیی لە غەززە، ١٣ زیندانی ئیسرائیلی و ٧ زیندانی بیانی ڕادەستی هێزەکانی خاچی سوور کردووە.
هەر لەو پێوەندییەدا وتەبێژی وەزارەتی دەرەوەی قەتەر ڕایگەیاند، ئێستا ١٣ ئیسرائیلی و ژمارەیەک هاووڵاتی بیانی ڕادەستی خاچی سوور لە غەززە کراون.
هاوکات، ڕژێمی ئیسرائیل ٣٩ ژن و منداڵی فەلەستینیشی ئازاد کرد.
زۆربەی زیندانییە ئازادکراوەکانی فەلەستینی لە تەمەنی هەرزەکاری و منداڵییەوە لەلایەن ڕژێمی زایۆنیستەوە بە دیل گیراون و نزیکەی نیوەی تەمەنیان لە دیلدا بەسەر بردووە.
Your Comment