بە ڕاپۆرتی ئاژانسی هەواڵی مێهر، نووسینگەی ئایەتوڵڵا سیستانی ، مەرجەعی باڵای ئایینی لە نەجەف بە دەرکردنی بەیاننامەیەک بە هێرشەکانی ئیسرائیل بۆ غەززە کاردانەوەی نیشان دا.
لە ئەو بەیاننامەدا هاتووە:ئەم ڕۆژانە غەززە لە ژێر بوردمانێکی بێ وێنەدایە کە بووەتە هۆی کوژران و بریندار بوونی زیاتر لە 6 هەزار کەسی سڤیلی بێ تاوان، چۆڵ کردنی ماڵەکان، کاولکاری بەربڵاوی ناوچە نیشتەجێیەکان و بوردمانی ناوچەگەلێک کە چی دیکە بۆ ئەو خەڵکە ئەمن نییە.
ئیسرائیل گەییشتنی ئاو و خۆراک و دەرمانی بۆ ناوچە ڕاگرتووە و دەیەوێت بە ئەو کارانە شکستی گەورەی خۆی قەرەبوو بکاتەوە.
لە ئەو بەیاننامەدا هاتووە: ئەو هەوڵانە لە بەرچاوی هەموو جیهانەوە ڕوو دەدات و لەمپەرێکیش لە سەر ڕێگایان نییە. داوا لە هەموو جیهان دەکرێت بەر بە ئەو هێرشانە بگرن و ڕێگری بکەن لە پیلانەکانی هێزەکانی ئیسرائیل بۆ خەساری زیاتر لە گەلی فەلەستین.
Your Comment