خۆپیشاندانی بەرفراوان لە کەرکووک/ کوژراو و بریندار هەیە

بە پێی ڕاپۆرتی ئاژانسی هەواڵی مێهر، میدیاکانی عێراق بڵاویان کردەوە خۆپیشاندانەكەی ئێوارەی ئەمڕۆی كەركوك گرژی و ئاڵۆزی لێكەوتەوە.

لە هەواڵەکاندا هاتووە خۆپیشاندەران کە زیاتر کوردی کەرکووک بوونە داوایان کردووە‌ رێگای سەرەكی كەركوك-هەولێر بكرێتەوە لەکاتێکدا ماوەی زیاتر لە هەفتەیەكە لەلایەن ژمارەیەك لە هاوڵاتیانی عەرەبەوە داخراوە.

خەندان نووسی: هەر بەگوێرەی زانیاریەكان، سێ هاوڵاتی كورد كوژراون و زیاتر لە پێنج كەسی دیكەش برینداربون و لەئێستاشدا گرژی و ئاڵۆزیەكان بەردەوامیان هەیە.

تاوەكو ئێستا بەڕێوەبەرایەتی گشتی تەندروستی كەركوك و پۆلیسی شارەكە ژمارەی كوژراوان و بریندارانی خۆپیشاندانەكەی ئەمڕۆی كەركوكیان بەفەرمی پشتڕاست نەكردۆتەوە