بە ڕاپۆرتی ئاژانسی مێهر، ئەمیر دەریاوان ئێران فەرماندەی هێزی دەریایی ئەرتەشی ئێران بە ئاماژە بە هۆشداریی و ناسینەوەی ژێردەریایی ئەمریکی لەلایەن ئەو هێزەوە، ڕایگەیاند: ئەو ژێردەریاییە لە بێدەنگی تەواو و لە ژیر ئاوەوە خەریکی نزیک بوونەوە بە تەنگەڵانی هورموز بوو کە لەلایەن ژێردەریایی تەواو ئێرانی و خۆجەیی فاتێحەوە بینرا و ناسرایەوە و ناچاری کرد تا ژیر دەریایی ئەمریکی بێتە سەر ئاو و ڕێگای تەنگەڵانەکە لە سەر ئاوەوە تێبپەڕێنێت.
ناوبراو زیادی کرد: ئەو ژێر دەریاییە تا ڕادەیەک بە ئاوە نیشتمانییەکانی ئێران نزیک بووبووەوە هەر بۆیە هۆشداریی پێویست درایە ئەو ژێردەریاییە و لەگەڵ سکۆرتێک ڕێگای خۆی گۆڕی و درێژەی دایە ڕێگاکەی.
ئێرانی جەختی کرد: ئەمریکییەکان ئەبێ شی بکەنەوە کە بۆچی لە ڕێگایەکی گرینگی دەریایی یاساکانیان شکاندووە و هۆشداریی ئەم دواییەی هێزی دەریایی ئێران بە ئەمریکا ئەوەیە کە ئەبێ لەمەوبەدوا پابەندەی یاسا نێودەوڵەتییەکان بن.
Your Comment