بە پێی ڕاپۆرتی ئاژانسی هەواڵی مێهر، ئەمیر عەبدوڵاهیان لە دووەمین ڕۆژی ئامادەبوونی لە ژێنێڤ، لە گەڵ سابا کرووسی، سەرۆکی مەکۆی گشتی نەتەوەیەکگرتووەکان دیدار و گفتوگۆی کرد.
لەم دیدارەدا کرووسی سپاس و پێزانینی ئێرانی کرد بە بۆنەی میوانداریی کردنی زیاتر لە 5 میلیۆن ئاوارەی ئەفغانی سەرەڕای کێشەکانی ئێران بە هۆی گەمارۆ. هەروەها هیوای خواست دانوستان و گفتوگۆی نێوان لایەنەکانی بەرجام بە زووترین کات بگاتە ئەنجام. وتیشی بەرجام لە بەرژەوەندی ئاشتی و ئاسایشی جیهانە.
کرووسی هەروەها عەفو و بەخشینی گشتی ڕێبەری باڵای ئێران بۆ تۆمەتباران و دەستگیر کراوانی نائارامییەکانی ئەم دواییەی ئێرانی بەرز نرخاند.
لای خۆیەوە ئەمیر عەبدوڵاهیان وەزیری دەرەوەی ئێران سەبارەت بە شەڕی ئۆکراینا جەختی کرد کە تاران ڕێز لە یەکپارچەیی وڵاتان دەگرێت و سەرلەبەری تۆمەتەکان لەبارەی بەکارهاتنی درۆنی ئێرانی لەو شەڕەی بەدرۆخستەوە.
Your Comment