هیچ رێککەوتنێک لە نێوان هەولێر و بەغدا نەکراوە/ چارەسەری کێشەکان ئاسان نییە

سیاسەتوانی سەربەخۆی کورد جەختی کرد: کە تا ئێستا هیچ ڕێککەوتنێک لە نێوان بەغدا و هەولێر نەکراوە لە سەر بودجە و کێشە کەڵەکە بووەکانی تر.

بە پێی ڕاپۆرتی ئاژانسی هەواڵی مێهر، مەحموود عوسمان لە گفتوگۆ لەگەڵ ئاژانسی هەواڵی نیشتیمانیی عێراق (نینا)، وتی: سەرەڕای ئیجابی بوونی سەفەرەکەی مەسرور بارزانی بۆ بەغدا بەڵام هێشتا هیچ ڕێککەوتنێک لە نێوان هەولێر و بەغدا نەکراوە.

وتیشی: کوردەکان بە پێی سەرژمێری حەشیمەت لە وڵاتی عێراق داوای بەشە بودجەی 14 لەسەدی لە بەغدا دەکەن و هەروەها خوازیاری چارەسەری کێسەی مادەی 140ی یاسای بنەڕەتی عێراق، پەسەند کردنی یاسای نەتو و گاز و دابین کردنی مووچەی فەرمانبەران و پێشمەرگەن.

مەحموود عوسمان بە ئاماژە بەوەی کە لە شاندنی کورد بۆ بەغدا هیچ ئەندامێکی یەکێتی نیشتیمانی نەبووە وتی:ئەمە نیشانەی بوونی ناکۆکی ڕاستەقینە و قووڵ لە نێوان یەکێتی و پارتییە .

زیادیشی کرد: ئەگەرچی سودانی خوازیاری چارەسەری کێشەکانی نێوان هەولێر و بەغدایە بەڵام دۆزینەوەی رێگا چارەی گشتگیر وهەمە لایەنە بۆ ئەم کێسانە دژوارە،

News Code 44796

نیشانەکان

بۆچوونی ئێوە

You are replying to: .
  • captcha