بە ڕاپۆرتی ئاژانسی هەواڵی مێهر، یەکێتی ئەورووپا دوای 24 کاتژمێر، هێرشی تیرۆریستی ڕۆژی چوارشەممە بۆ سەر بارەگای شاچراغ لە شیرازی ئیدانە کرد.
بە گوێرەی ئەم ڕاپۆرتە، پیتێر ستانۆ وتەبێژی سیاسەتی دەرەوەی یەکێتی ئەورووپا لە پەیامێکی تویتەریدا نووسی: یەکێتی ئەورووپا هێرشی تیرۆریستی ڕۆژی چوارشەممە بۆ سەر بارەگای شاچراغی شیراز بە توندی ئیدانە دەکات. ئەو هێرشە کە داعش بەرپرسیارێتی قبوول کردووە، نموونەیەکی دیکە لە کردنە ئامانجی خەڵکی سڤیلی بێ تاوان لەلایەن تیرۆریستەکانە. یەکێتی ئەورووپا سەرەخۆشی لە بنەماڵەی قوربانیان دەکات.
ئەو بەرپرسەی یەکێتی ئەورووپا لە هەمان کاتیشدا نەیتوانی پاڵپشتی لە نائارامییەکان لە ئێران دەرنەبڕێت و پاگەندەی کرد: لە هەمان کاتیشدا، یەکێتی ئەورووپا بە وردی بارودۆخی ئیران چاوەدێری دەکات و نیگەرانی ڕاپۆرتەکانی هاوپەیوەند بە بەکارهێنانی نەگونجاوی زۆرەملێ لەلایەن هێزە ئەمنییەکان لە سەقزە. یەکێتی ئەورووپا دووبارە داوا لە بەرپرسان دەکات کە خۆیان ببوێرن لە هەر جۆرە توندوتیژییەک و ماف و ئازادی هاووڵاتیان بپارێزن.
Your Comment