بە پێی راپۆرتی هەواڵی ئاژانسی مێهر، ڕۆژنامهنوسو كادیرێكى یهكێتى نیشتمانىی كوردستان ئاشكرای دهكات، لهئێستا بههاوكاریىو چاوپۆشى حزبێكى كوردى لهههرێمى كوردستان ژمارهیهكى زۆر لههاوڵاتیان كار بۆ میتى توركیا دهكهن.
زانا حهسهن ڕۆژنامهنوسو كادیری یهكێتى لەفەیسبوكی چهند زانیاریهكى ههستیارو مهترسیدارى ئاشكراكردوهو نوسیویهتى:" ژمارەیەكی زۆر لەگەنجو خەڵك لەتەمەنی جیاجیا ئێستا كار بۆ میتی تورك دەكەن بەهاوكارییو چاوپۆشیی دەزگایەكی ئەمنیی حزبێكی كوردیی".
ئهو ڕۆژنامهنوسه دهڵێت:"تەنانەت هەندێك لەوكهسانه مۆڵەتدراون لەناو ئەو هێزە ئەمنییە دەوامنەكەن، تەنها بۆ میتى توركیا كاربكەن".
بهوتهى زانا حهسهن، "لە50 ساڵی ڕابردودا دەزگای جاسوسیی میت وەك ئێستا بەرفراوان نەبوە، بەشێكی ئەو شوێنانەشی سوپای توركیا دەستی بەسەردا دەگرێ، بەجاشو گەنجی ڕاهێندراوی ناوچە گوندنشینەكانى ههرێم دەیپارێزێت".
لهبهشێكى دیكهى زانیاریهكانى ئهو ڕۆژنامهنوسهدا هاتووه، "مەترسیو هەڕەشەی جدی لەسەر ژیانی هەموو كوردپەروەرو نیشتمانپەروەرێكی ڕاستەقینە هەیە، بهتایبهت ئەو كوشتنو لەناوبردنەی كورد دژی كورد بەچەكی توركیی".
Your Comment