بە ڕاپۆرتی ئاژانسی هەواڵی مێهر، حسێن ئەمیر عەبدوڵڵاهیان وەزیری دەرەوەی ئێران لە پێوەندی تەلەفۆنی لەگەڵ جۆزێف بورل بەرپرسی سیاسەتی دەرەوەی یەکێتی ئەورووپا سەبارەت بە دوایین دۆخی دانوستانەکان بۆ هەڵوەشاندنەوەی گەمارۆکان و هەروەها پرسە پێوەندیدارەکان بە ئێران و یەکێتی ئەورووپاوە گفتوگۆیان کرد.
وەزیری دەرەوەی ئێران بە جەخت لەسەر ئیرادەی ئێران بۆ گەییشتن بە ڕێککەوتنێکی باش، هەوڵی ئەم دواییەی ئەمریکا و سێ وڵاتی ئەورووپی بۆ نووسینی ڕەشنووسی بڕیارنامەی ئاژانسی نێودەوڵەتی وزەی ناڤۆکیی هەڵسوکەوتێکی پێچەوانی دیپلۆماسی، هەڵەداوان و ناسازێنەر وەسف کرد کە دەبێتە هۆی پێچراوتر بوونەوەی ڕەوتی دانوستانەکان.
ئەمیر عەبدوڵڵاهیان بە ئاماژە بە یاسای مەجلیسی ئێران هۆشداریی دا، هەر جۆرە هەوڵێکی سیاسی لەلایەن ئەمریکا و سێ وڵاتی ئەورووپییەوە، بێ گومان لەگەڵ کاردانەوەی گونجاو، کاریگەر و بەپەلەی ئێرانەوە بەرەو ڕوو دەبێتەوە.
Your Comment