چارەنووسی داهاتووی ناوچەکە بە بەرخۆدانی میلەتەکان دیاری دەکرێت

سەرۆک کۆمار وتی: ئەوەی داهاتووی ناوچە و فەلەستین دیاری دەکات، نەک کورسی دانوستان بەڵکوو بەرخۆدانی میلەتەکانە.

بە پێێ راپۆرتی ئاژانسی هەواڵی مێهر، حوجەتولئیسلام سەید ئیبراهیم ڕيییسی لە دیدار لە گەڵ بەشار ئەسەد، سەرۆک کۆماری سووریا، وتی: ئەوەی ئەمڕۆ دەیبینین ئاکامی بەرخۆدانی میلەتەکان لە بەرانبەر داگیرکەران و دەستدرێژیکەرانە.

ئەو داکۆکی کرد: شۆڕشگێڕانی بەرخۆدان سەلماندیان کە دەسەڵاتێکی باشیان بۆ پێک ‌هێنانی ئاشتی و سەقامگرتوویی لە ناوچە و بە تایبەت لە سووریا هەیە.

رەییسی وتیشی: سەردەمانێک بەرپرسانی عەرەب و غەیرعەرەبی ناوچە لە سەر کاتی کەوتنی حکوومەتی سووریا مەرجیان دادەنا بەڵام ئێران لە پەنای میلەت و دەوڵەتی سووریا راوەستاوە.

بەشار ئەسەد، سەرۆک کۆماری سووریاش پێوەندی سووریا و ئێرانی پێوەندییەکی ستراتیژیک زانی و روونی کردەوە: گۆڕانەکانی ناوچە پاش دەهەیەک شەڕ دژی بەرخۆدان، نیشانی دا کە بەرخۆدان ئاکامی باشی بووە.

ئەو وتیشی: ئێمە سەلماندوومانە کە بە هاوکاری نزیکی وڵاتانی ناوچە پێکەوە دەتوانین لە بەرانبەر ئەمریکادا سەرکەوین و ئەمڕۆ ئێمە بینەری رووخان و تێکشکانی ڕۆڵی ئەمریکا لە ڕۆژاوای ئاسیاین.

سەرۆک کۆماری سووریا وێڕای ڕێزگرتن لە پشتیوانییەکانی کۆماری ئیسلامی ئێران لە میلەتی سووریا لە شەڕ دژی تیرۆریزم، ڕوونی کردەوە: میلەت و دەوڵەتی سووریا ڕێز لە خەڵکی ئێران دەگرن و خۆیان بە قەرزداری ئێران دەزانن.

News Code 41892

نیشانەکان

بۆچوونی ئێوە

You are replying to: .
  • 2 + 6 =