بە پێی راپۆرتی ئاژانسی هەواڵی مێهر، رێوڕەسمی مەشقی ٢٩ی خاکەلێوە، رێزنان لە رۆژی ئەرتەش لە هەموو پارێزگاکانی ئێران دەستی پێ کرد.
لەم رێوڕەسمەدا لە دواهەمین جیهازات و دەستکەوتەکانی ئەرتەش روونوێنی دەکرێت کە زۆربەیان لە لایەن پسپۆڕانی هێزە چەکدارەکانی کۆماری ئیسلامی و بە پێی دواهەمین تەکنۆلۆژی بەرهەم هاتوون.
"کەمان٢٢" کە ڕەشەمەی ساڵی ١٣٩٩ روونوێنی لێ کرد، یەکەمین فڕۆکەی بێ فڕۆکەوانی سەربازی ئەرتەشە کە توانای هەڵگرتنی هەموو جۆرە وەجبەیەک و زیاتر لە ٢٤ کاتژمێر فڕینی هەیە.
ئەم فڕۆکە بێ فڕۆکەوانە توانای هاویشتنی زیاتر لە ٣ هەزار کیلۆمەتری هەیە و دەتوانێ لە بەرزایی ٨ هەزار مەتریدا بفڕێت کە لەم دوو بوارەوە لە چاو فڕۆکە بێ فڕۆکەوانەکانی شاهد ١٢٩ و موهاجیر ٦ لە ئاستێکی سەرتر دایە.
هەروەها دەتوانێ هەموو جۆرە جیهازات و مووشەکێکی لەیزری هەڵبگرێت و توانای ناسین، پاراستن و کۆ کردنەوەی زانیاری و وێنەگرتن لە ئامانجە دوورەدەستەکانی هەیە.
"کەمان٢٢" زیاتر لە یەک تۆن و نیو کێشی هەیە و دەتوانێ ٣٠٠ کیلۆ چەک هەڵبگرێت، درێژاییەکەی ٦ونیو مەتر، بەرزی ٢ و نیو مەتر و درێژایی باڵەکانی زیاتر لە ١٧ مەترە و لە چاو مۆدێلی سەرەتاییەکەی، توانای هاویشتنی زیاتر لە ٢ هەزار کیلۆمەتری هەیە.
ئەم فڕۆکە بێ فڕۆکەوانە زۆر لە جۆری ئەمریکیەکەی دەچێت و ئێستا دواهەمین تاقیکارییەکان تێدەپەڕنێت. ئەرتەشی کۆماری ئیسلامی ئێران تا ئێستا بۆ کۆنترۆڵ و جاودێری ناوچەی مەشق کردنەکان لەم فڕۆکەیە کەڵکی وەرگرتووە.
Your Comment