بە ڕاپۆرتی ئاژانسی هەواڵی مێهر، هێزەکانی سووریای دیمۆکراتیک ڕایگەیاند بە پێچەوانەی پاگەندەی مێدیاکانی لایەنگری حکومەتی تورکیا، ئەندامانی ئەو گرووپە بۆ بەشداری لە شەڕی ئۆکرانیا و ڕووسیا نەنێردراون.
ناوەندی مێدیایی هەسەدە لە بەیاننامەیەکدا ئەو هەواڵەی وەدرۆ خستەوە و ڕایگەیاند مێدیاکانی ڕژێمی داگیرکەری تورکیا بە بڵاو کردنەوەی هەواڵی درۆ و بێ بنەما پاگەندەیان کردووە هێزەکانی ئێمە لە شەڕی ئۆکرانیادا بەشداریان کردووە.
لە ئەو بەیاننامەدا هاتووە: ئێمە داکۆکی دەکەین کە ئەو هەواڵە ناڕاستە و لە درێژەی ڕووخاندنی هێزەکانی ئێمە بڵاو دەبێتەوە و هەسەدە هێزی نەتەوەیی سووریایە کە بۆ پارێزوانی لە ناوچە و خەڵکی جوگرافیای سووریا بەرانبەر تیرۆریزم و هێرشە داگیرکەرانەکان شەڕ دەکات. هەسەدە بە ورەیەکی بەرزەوە درێژە دەداتە ئەرکەکانی خۆی.
Your Comment