بە پێی هەواڵی مێهر، سەعید خەتیب زادە لە کۆبوونەوەی ڕۆژنامەوانیدا وتی: ئێمە داوامان لە ئاژانسی نێودەوڵەتی وزەی ئەتۆم کردووە لە چوارچێوەی هاوکارییەکانی ئێستادا بمێنێتەوە و ئیزن نەدات هەندێ وڵاتان مەبەستە سیاسییەکانی خۆیان لە ڕێگای ئاژانسەوە بەرنە پێشەوە.
ئەو داکۆکی کرد: ئاژانس باش دەزانێت خراپەکاری و کردەوە تیرۆریستییەکان کە لە لایەن ڕژیمی زایۆنییەوە لە ئێراندا بەڕێوە چوو، کاریگەری زۆری لە سەر ڕەهەندە تەکنیکییەکان دەبێت.
خەتیب زادە هەروەها سەبارەت بە هەڵوێستی هەندێ وڵاتانی ڕۆژاواییش وتی: جەختی ئێمە لە دانوستانەکانی ڤیەن هەڵوەشانەوەی گەمارۆ یەک لایەنە نایاساییەکانە کە دژی ئێران دانراون.
ئەو هەروەها داکۆکی کرد: ئێران بە ئیرادەیەکی جیدی و بەمەبەستی هەڵوەشانەوەی گەمارۆکان دەچێتە ڤیەن و هیوادارین ئەم دانوستانە ئاکامی باش و سەرکەوتوانەی ببێت.
Your Comment