کتێبی دوو شانۆنامەی شانۆی سەرشەقام ڕوونوێنی کرا

ڕێوڕەسمی ڕوونوێنی لە کتێبی دوو شانۆنامەی سانۆی سەرشەقام لە ژێر ناوی "گەڕانەوە" لە نووسینی داریووش نەسیری و مورتزا وەکیلیان شەوی شەممە لە هۆڵی کۆبوونەوەکانی هۆتێل زرێبار بەڕێوە چوو.

بە ڕاپۆرتی ئاژانسی هەواڵی مێهر، بەرپرسی پازدەیەمین فێستیڤاڵی نێودەوڵەتی شانۆی سەرشەقامی مەریوان لە ئەو ڕێوڕەسمەدا کە بە ئامادەبوونی عیسا فەلاحی جێگری فەرهەنگی و مێدیایی ئیدارەی فەرهەنگ و ئیرشادی کوردستان، سەعید ئەسەدی بەرپرسی لێکۆڵینەوەکان و بڵاوگەکانی ئیدارەی گشتی هونەرە نمایشییەکان و سیرووس هیمەتی شانۆنامەنووس و ئەکتەری شانۆ، سینەما و تەلەڤیزیۆن بەڕێوە چوو، ڕایگەیاند: بەهۆی دۆخی کۆرۆنایی بەداخەوە نەمانتوانی وەکوو خولەکانی ڕابردوو کارگەی جۆراوجۆری پەروەردە لە چوارچێوەی بەرنامەکانی ئەو فێستیڤاڵە بەڕێوە ببەین.

ناوبراو زیادی کرد: هەر بۆیە کارگەی پەروەردەیی هاوکات لەگەڵ بەڕێوەچوونی ئەو فێستیڤاڵە بە شێوەی ئۆنلاین بە ئامادەبوونی مامۆستایەکی ڕووسی بەڕێوە چوو.

بەرپرسی پازدەیەمین فێستیڤاڵی نێودەوڵەتی شانۆی سەرشەقامی مەریوان وتیشی: کتێبی گەڕانەوە بە هاوکاری بەرپرسی پازدەهەمین فێستیڤاڵی نێودەوڵەتی شانۆی سەرشەقامی مەریوان و پێشکەیی سیرووس هیمەتی لە 90 پەڕەدا و لەلایەن بڵاوگەی هونەری سوورەوە لە چاپ دراوە.

News Code 39794

نیشانەکان

بۆچوونی ئێوە

You are replying to: .
  • 3 + 3 =