بە پێی ڕاپۆرتی ئاژانسی هەواڵی مێهر، دوای هێرشه‌كه‌ی سه‌ر بنكه‌ی ئاسمانی به‌له‌دی سه‌ربازی له پارێزگای سه‌ڵاحه‌دین، له‌ڕێگه‌ی دو موشه‌كه‌وه بنكه‌ی فیكتۆریا كه تایبه‌ته به هاوپه‌یمانان له نزیك فڕۆكه‌خانه‌ی نێوده‌وڵه‌تی به‌غدا كرایه ئامانج.
سه‌رچاوه‌یه‌ك له به‌غدا ، له‌ڕێگه‌ی دو موشه‌كی جۆری كاتیۆشاوه بنكه‌ی سه‌ربازی فیكتۆریا له نزیك فڕۆكه‌خانه‌ی نێوده‌وڵه‌تی به‌غدا كراوه‌ته ئامانج، زه‌نگی ئاگاداركردنه‌وه له‌ناو بنكه سه‌ربازیه‌كه لێدراوه.
ئه‌و سه‌رچاوه‌یه راشیگه‌یاند، زیانه‌كان نه‌زانراون و لێكۆڵینه‌وه له‌وباره‌یه‌وه ده‌ستیپێكردوه.
ئه‌وه‌ش له‌كاتێكدایه ئێواره‌ی دوێنێ 3 (سێ) موشه‌ك ئاراسته‌ی بنكه‌ی ئاسمانی به‌له‌د له‌پارێزگای سه‌ڵاحه‌دین كران و له‌راگه‌یه‌ندراوێكیشدا راگه‌یاندنی سه‌ربازی عێراق رایگه‌یاند، كه‌وتنه‌خواره‌وه‌ی موشه‌كه‌كان هیچ زیانێكی گیانی لێنه‌كه‌وتوه‌ته‌وه.
بۆچوونی ئێوە