شکستی تورکیا لە چیای گارە پلانی هێرش بۆ سەر شەنگال پووچەڵ دەکاتەوە

کارناسێکی سیاسی وتی: شکستی تورکیا لە گارە بووە هۆی جێگیر بوونی هەزاران هێزی عێراقی لە شەنگال.

بە ڕاپۆرتی ئاژانسی هەواڵی مێهر، حسێن عومەر کارناسی سیاسی بە ئاماژە بە جووڵەکانی ئەم دواییەی تورکیا لە چیای گارە و هەڕەشەکان دژی شەنگال، وتی: پێوەندی نێوان ئۆپراسیۆنی تورکیا لە گارە و ئامادەسازی بۆ پیلان لە شەنگال پرسێکی روونە و نەک ئەو هەڕەشە لەسەر شەنگال هەیە بەڵکوو تورکیا هەڕەشەیە بۆ سەر سەرتاسەری کوردستانی سووریاش.

ناوبراو درێژەی دا: دوای شکستی گەورە لە گارە تورکیا شەرمەزار بوو. تورکیا پێی وابوو بە بەکارهێنانی هێزی ئاسمانی و جیهازاتی پێشکەوتوو دەتوانێت گارە کۆنترۆڵ بکات و بنکەی سەربازی لە هێڵی، ئاکرێ، شەنگال و موسڵ بکاتەوە و خۆی بۆ هێرش بۆ سەر شەنگاڵ ئامادە دەکرد بەڵام سەرنەکەوت.

ناوبراو زیادی کرد: ئەوما دەیانەویست زیندانییەکانی خۆیان ئازاد بکەن بەڵام بە هێرشی مووشەکی بووە هۆی کوژرانی ئەندامانی خۆیان کە لە چەند ساڵ لەمەوپێشەوە لەلای پەکەکە دیل کرابوون.

حسێن عومەر وتیشی: هێشتا دیار نییە چەند سەربازی تورکیا کوژراون و ژمارەی کوژراوان و ون بووەکانی پەکەکەش دیار نییە و ئەمە لە حاڵێکدایە کە سوپای تورکیا ژمارەی کوژراوانی پەکەکەی تا 50 کەس راگەیاندووە.

ناوبراو وتیشی: ئاک پارتی کاتێک کە بینی لە گارە شکستی هێناوە 700 چالاکی کۆمەڵایەتیی لە تورکیا دەستگیر کرد.

ئەو کارناسە سیاسییە دەڵێت: شکستی سوپای تورکیا لە گارە باری دەروونی هێزە عێراقییەکانی بەهێز کردەوە و زیاتر لە چەند هەزار هیزی عێراقی و هێزەکانی بەرگری شەنگال لە ناوچەکە جێگیر بوون.

حسێن عومەر درێژەی دا: شکستی تورکیا ورەی هێزە عێراقییەکانی لە بەرانبەر تورکیا زیاد کردەوە.

News Code 36081

نیشانەکان

بۆچوونی ئێوە

You are replying to: .
  • 5 + 13 =