کاردانەوەی حکومەتی هەرێمی کوردستان بە مووشەکبارانی فڕۆکە خانەی هەولێر

سه‌رۆكی حكومه‌تی هه‌رێمی كوردستان رایده‌گه‌یه‌نێت کە له‌گه‌ڵ مسته‌فا كازمی له‌په‌یوه‌ندیدایه‌ بۆ هه‌ماهه‌نگی و دۆزینه‌وه‌ی ئه‌نجامده‌رانی كرده‌وه‌ تیرۆرستیه‌كه‌ی هەولێر.

بە پێی ڕاپۆرتی ئاژانسی هەواڵی مێهر: مه‌سرور بارزانی سه‌رۆكی حكومه‌تی هه‌رێم، له‌ تویتێكدا له‌ هه‌ژماری تایبه‌تی خۆی نوسیویه‌تی: "‏به‌ توندی سه‌ركۆنه‌ی هێرشه‌ موشه‌كییه‌كه‌ی ئه‌مشه‌وی هه‌ولێر ده‌كه‌م، داوا له‌ كوردستانییان ده‌كه‌م ئارام بن".

راشیگه‌یاند:  هێزه‌ ئه‌منیه‌كانمان لێكۆڵینه‌وه‌یه‌كی وردیان ده‌ستپێكردوه‌ و له‌گه‌ڵ مسته‌فا كازمی سه‌رۆك وه‌زیرانی عێراق له‌ په‌یوه‌ندیدام بۆ هه‌ماهه‌نگیی پێویست به‌مه‌به‌ستی دۆزینه‌وه‌ی ئه‌نجامده‌رانی ئه‌م كرده‌وه‌ تیرۆریستییه‌.

 شه‌وی دوشه‌ممه‌ پێنج موشه‌ك ئاراسته‌ی پارێزگای هه‌ولێر كراون، دو موشه‌كیان له‌نزیك فڕۆكه‌خانه‌ و سێ موشه‌كیشیان له‌گه‌ڕه‌كی وه‌زیران كه‌وتونه‌ته‌ خواره‌وه‌.

له‌راگه‌یه‌ندراوێكیشدا وه‌زاره‌تی ته‌ندروستی حكومه‌تی هه‌رێمی كوردستان رایگه‌یاند، سێ كه‌سێك برینداربوون و له‌ژێر چاودێری وردی پزیشكیدان، یه‌كێك له‌ برینداره‌كانیش پاسه‌وانی كونسوڵخانه‌یه‌كه‌.

News Code 36054

نیشانەکان

بۆچوونی ئێوە

You are replying to: .
  • 6 + 9 =