دیداری شاندی پارتی لەگەڵ حزب و لایەنە سیاسییەکانی عێراق

شاندی پارتی دیمۆکرات بە سەرۆکایەتی ڕۆژ نووری شاوەیس کە لە بەغدایە لەگەڵ هەندێک لایەنی عێراقی دیدار و لەسەر پرسی جیاواز گفتوگۆیان کرد.

بە ڕاپۆرتی ئاژانسی هەواڵی مێهر، شاندی پارتی دیمۆکرات بە سەرۆکایەتی ڕۆژ نووری شاوەیس لە ئەو زنجیرە دیدارەدا لەگەڵ بەرپرسانی بەرەی ڕزگاری و گەشە دیداری کرد و ڕوانگەکانی سەبارەت بە دۆخی سیاسی عێراق و بانگەشەی ڕێکخراو دژی هەرێمی کوردستان لەلایەن کەسانێکەوە کە ئامانجیان خەسار لێدان لە یەکگرتنی نەتەوەییە.

ئەو شاندە هەروەها داوای هاوکاری هاوبەش لە بواری بودجە، مافەکانی هەرێم و چارەسەری کێشەکان بۆ دەربازبوون لە قەیرانەکانی عێراقی کرد.

لە دیدارێکی دیکەدا شاندی پارتی لەگەڵ عەمار حەکیم ڕێبەری ڕەوتی حیکمە کۆ بووەوە و لە سەر گرینگایەتی هاوکاری نێوان بەغدا و هەولێر لە بەرژەوەندی عێراق و پرسی داهاتی نەوت و سامانەکانی دیکەی عێراق بە پێی دەستوور جەخت کرا.

هەروەها شاندی پارتی لەگەڵ نووری مالیکی سەرۆکی هاوپەیمانی دەولەتی یاسا کۆبوونەوە و لە دیدارەکەدا دوو لایەنەکە سەبارەت بە دوایین گۆڕانکارییە سیاسییەکانی عێراق و بابەتی هەڵبژاردنی پەرلەمانی پێشوەخت گفتوگۆیان کرد.

لەم دواییەدا حەسەن نزام وتەبێژی نووسینگەی سەرۆک وەزیرانی عێراق وتبووی: دەوڵەتی بەغدا خوازیاری چاوەدێری بنکە نێودەوڵەتییەکان لەسەر ڕەوتی بەڕێوەچوونی هەڵبژاردنەکانی کردبوو.

News Code 35552

نیشانەکان

بۆچوونی ئێوە

You are replying to: .
  • 2 + 0 =