بە پیی هەواڵی میهر، سام سادقی دەڵێت: من لە کاتێکەوە لە گەڵ باوکم دەچوومە باشگا پێم خۆش بوو فێری بوکس بم و لە ژێر چاودێری ماموستا تاهیری ڕاهێنانی خۆم دەست پی کرد. لە 11 ساڵیەوە وەرزش کردنم دەست پێ کرد و ڕۆژێ سێ کاتژمێر خەریکی ڕاهێنانم.
ئەو وتیشی: چاوەڕێی کیبەرکێیەکانی ناوخۆیی و جیهانیم بۆ ئەوەی بتوانم میداڵی ڕەنگاوڕەنگ بۆ شارەکەم و وڵاتەکەم بەدەست بێنم.
لە درێژەشدا ئەشکان تاهیری، ڕاهێنەری سام وتی: سام تازەلاوێکی لێهاتوو و زانایە کە پاش یەک ساڵ ڕاهێنان و هەوڵ دان وەکوو لێهاتووی سەرتری وڵات ناسێندرا.
ئەم راهێنەرە وتیشی: سەرەڕای تەشەنە سەندنی کۆرۆنا و داخرانی باشگاکان، ڕاهێنانەکانی سام لە پارک و ناو ماڵ بە لەبەرچاو گرتنی یاسا تەندروستییەکان، درێژەی بوو و لەم ماوەیەدا هەموو ڕاهێنەران پێیان وابوو سام خاوەن بڕشت و وشیارییە و داهاتوویەکی ڕوونی دەبێت.
Your Comment