ئێران ئامادەی وەڵامدانەوەی هەرجۆرە هەڕەشەیەکە

سەرۆکی ئەرکانی گشتی هێزە چەکدارەکان وتی: ئێران ئامادەی ڕووبەڕوو بوونەوەی هەر جۆرە هەڕەشەیەکە و ئەگەر دوژمنان بچووکترین هەڵەیەک بکەن، هێزە چەکدارەکان وەڵامی توند دەداتەوە.

بە ڕاپۆرتی ئاژانسی هەواڵی مێهر، سەردار سەرلەشکەر محەمەد باقری سەرۆکی ئەرکانی گشتی هێزە چەکدارەکان سەبارەت بە دوایین دۆخی ناوچەکە وتی: بەداخەوە لە ڕۆژانی دوایی جووڵەگەلێک لەلایەن سوپای تیرۆریستی ئەمریکاوە لە ناوچەکە ئەنجام دراوە و فڕۆکەی زۆریان بۆ چاوترسێن کردن نمایش دا.

ناوبراو وتیشی: هەروەها تۆمەتگەلێکیان دایە پاڵ ئێران کە ئەم ئامادەیی و مانۆڕە جیاوازگەلە و گواستنەوەی هێز بۆ نمایش کردنی ئامادەیی تەواوی هێزە چەکدارەکان بۆ بەرگری لە سنووری زەوینی، دەریایی و ئاسمانی و ئاسایشی نەتەوەیی وڵاتە.

سەرۆکی ئەرکانی گشتی ڕاشیگەیاند: سەرەڕای ئەوەی کە کۆماری ئیسلامی ئێران نایەوێت هێرش بکاتە سەر هیچ وڵاتێکی دراوسێ، بەڵام بۆ ڕووبەڕوو بوونەوەی هەرجۆرە هەڕەشەیەک لە ئامادەیی تەواودایە، دەستی هێزە چەکدارەکان لەسەر پەلەپیتکەیە و ئەگەر دوژمن بچووکترین هەڵەیەک بکات، بە دڵنیاییەوە هێزە چەکدارەکان وەڵامێکی قایم دەداتەوە.

News Code 35476

نیشانەکان

بۆچوونی ئێوە

You are replying to: .
  • captcha