بە پێی ڕاپۆرتی ئاژانسی هەواڵی مێهر، بەمەبەستى ئیدانە کردن و هەروەها یادکردنەوەى ساڵیادی شەهید کرانی سەردار قاسم سولەیمانی سەرۆکی پێشووی فەیلەقی قودسی سوپای ئێران و ئەبوو مەهدى موهەندیس جێگرى سەرۆکى گشتى حەشدى شەعبى خۆپیشاندانێکی بەرفراوان لە بەغدا ئەنجام درا.
وەک چالاکانى ئەو خۆپیشاندانە بڵاویانکردوەتەوە خۆپیشاندانەکە لە شوێنی تیرۆری سەردار قاسم سلێمانى و ئەبو مەهدی موهەندیس دەبێت لە نزیک فڕۆکەخانەى نێودەوڵەتى بەغدا.
بۆ ئەو مەبەستەش سەرۆک وەزیرانى عێراق هەردوو وەزارەتى ناوخۆو وەزارەتى بەرگری و دژە تیرۆری راسپاردوە کە رێوشوێنى توند بگرنە بەر بۆ پاراستنى خۆپیشاندەران و هەروەها رێگریکردن لە هەر ئەگەرێکى نەخوازراو.
رۆژی ٣ی کانوونی دووەمی ساڵى رابردوو لە هێرشێکدا فرۆکە بێفڕۆکەوانەکانی ئەمریکا هەریەک لە سەردار قاسم سولەیمانی، فەرماندەی فەیلەقی قودسی سوپای پاسدارانی ئێران و ئەبو مەهدی موهەندیس، جێگری سەرۆکی دەستەی حەشدی شەعبی و ژمارەیەکى دیکە لە یاوەرەکانیان لەنزیک فڕۆکەخانەی نێودەوڵەتیی بەغدا کرانە ئامانج و تیرۆر کران.
Your Comment