کاردانەوەی توندی یەپەگە بە دەنگۆی هێرش بۆ سەر هێزی پێشمەرگە

فەرماندەیی گشتی یەپەگە وەڵامی وتەکانی بریکاری وەزارەتی پێشمەرگەی دایەوە و رایگەیاند: هێزەکانیان هیچ هێرشێکیان بۆسەر پێشمەرگە نەکردووە.

بە پێی ڕاپۆرتی ئاژانسی هەواڵی مێهر، فەرماندەیی گشتی یەکینەکانی پاراستنی گەل (یەپەگە) لە راگەیەندراوێکدا بڵاویکردەوە کە "هێزەکانمان هێرشیان نەکردووەتە سەر پێشمەرگە و ئێمە ڕێز لە سەروەریی هەرێمی کوردستان دەگرین".

یەپەگە لە راگەیەندراوەکەدا لەبارەی هێرشکردنەسەر پێشمەرگە باسی لەوەشکردوە، "هێزەکانمان ڕۆژی 16ی ئەم مانگە، لە نزیک ناوچەی سحێلا، هیچ هێرشێکیان نەکردووەتە سەر بارەگاکانی پێشمەرگە، هیچ هۆکارێکیش بۆ ڕوودانی هێرش نییە، زۆر لێدوان لەسەر ئەوە درا و بابەتەکە گەورە کرایەوە و لە ڕاستی دوور خرایەوە، لە ڕاستیدا ئەوەی ڕوویدا لە ئەنجامی کەمی یەکڕیزی و پەیوەندی نێوان ئێمە و لایەنە پەیوەندیدارەکانی هەرێمی کوردستان بوو".

ئەوەش خراوەتەڕوو، "وەک یەکینەکانی پاراستنی گەل ڕێز لە خۆبەڕێوبەریی هەرێمی کوردستان دەگرین و داوایان لێدەکەین کە دەست لە سیاسەتی هێرشکاری، ئاڵۆزی نانەوە و تۆمەتبارکردن هەڵگرن، پێویستە هەمو کێشەکان بە ڕێگای دانوستان و گفتوگۆ چارەسەر بکرێن".

دوێنێ سەربەست لەزگین، بریکاری وەزارەتی پێشمەرگە لەمیانی کۆنگرەیەکی رۆژنامەوانیدا رایگەیاند: "شەوی رابردوو رووداوێکی چاوەڕواننەکراو لەسەر سنووری عێراق و سووریا رویدا، لەنێوان پێشمەرگە و یەپەگە.

News Code 35245

نیشانەکان

بۆچوونی ئێوە

You are replying to: .
  • 2 + 5 =