تووڕەیی خۆپیشاندەرانی هەرێمی کوردستان بەرهەمی چەندین دەیەی پێشووە

سەرۆک وەزیرانی عێراق پەیامێکی لەبارەی خۆپیشاندانەکانی هەرێمی کوردستان بڵاوکردەوە و رایگەیاند: تووڕەییان پاساودارە، چونکە بەرهەمی ساڵانێکی زۆر و چەندین دەیەی پێشووە.

بە پێی ڕاپۆرتی ئاژانسی هەواڵی مێهر، مستەفا کازمی، سەرۆک وەزیرانی عێراق لە تویتێکدا لە هەژماری تایبەتی خۆی لە تۆڕی کۆمەڵایەتی تویتەر بڵاویکردەوە "‏بەقوڵی هاوسۆزم لەگەڵ خەم و ژانی خەڵکی خۆمان لە هەرێمی کوردستان، بەتایبەت شاری سلێمانی شاخ و رۆشنبیری و رەسەنایەتی".

ئاماژەی بەوەشکردووە کە "تووڕەییان پاساودارە چونکە بەرهەمی ساڵانێکی زۆر و چەندین دەیەی پێشوە، بەجدی کاردەکەین لەسەر شایستەییەکانی گەل لەهەمو شارێکی عێراق".

زیاتر لە هەفتەیەکە خۆپیشاندانی ناڕەزایی لەسلێمانی و بەشێک لە شاروشارۆچکەکانی سەر بە پارێزگاکە بەڕێوەدەچێت، خۆپیشاندەران داوای پێدانی موچە لەوادەی خۆیدا و باشکردنی ژیانیان دەکەن.

دینداری زێباری، رێکخەری راسپاردە نێودەوڵەتییەکانی حکومەتی هەرێمی کوردستان لە راپۆرتێکدا بڵاویکردەوە، تا ئێستا گرژیەکان بونەتە هۆی کوژرانی ٩ کەس، هەروەها، نزیکەی 60 کەس لە هێزە ئەمنیەکان و دەیان خۆپیشاندەر برینداربون.
 

News Code 35174

نیشانەکان

بۆچوونی ئێوە

You are replying to: .
  • 5 + 10 =